Зайон Уильямсон, Жа Морант, Р.Жэй Барретт нар албан ёсоор NBA-гийн шинэ тоглогчид боллоо.”Forbes” сэтгүүлээс шинэ тоглогчдын цалингийн жагсаалтыг гаргажээ.
Олон хүн таамаглаж байсны дагуу Дюк их сургуулийн авьяаслаг довтлогч Зайон Уильямсон “Нью Орленс Пеликанс” багийн тоглогч болж, драфтыг тэргүүлсэн бол саяхан Майк Конлигоо солилцоонд явуулсан “Мэмфис Гриззлис” Мюррэй Стэйт их сургуулийн багийн холбогч Жа Морантыг сонгосон юм.
“Нью Йорк Никс” баг солгой тоглолттой, хамгаалагч Р.Жэй Барреттэд итгэл хүлээлгэсэн билээ.
Энэ жилийн драфтын №1 Зайон Уильямсон анхны гэрээгээр дөрвөн жилийн хугацаанд 44.2 сая “ногоон” халааслах юм. Үүнээс хоёр жилийн 20 сая ам.доллар нь баталгаат гэрээ аж.
Сонирхуулахад, 1994 оны драфтын №1-ээр сонгогдсон Глэн Робинсон 10 жилийн 68 сая ам.долларын гэрээ байгуулсан нь одоог хүртэл шинэ тоглогчтой хийсэн хамгийн том гэрээгээр тооцогддог. Г.Робинсоны гэрээний дараагаас багийн эзэд шаардлага тавьж, шинэ тоглогчдын цалинд хязгаар тогтоосон билээ.
2019 оны шинэ тоглогчдын цалингийн хүснэгт
| Драфт | Баг | Тоглогч | 2 жил | 4 жил |
| 1 | Нью Орленс | Зайон Уильямсон | $20 сая | $44.2 сая |
| 2 | Мэмфис | Жа Морант | 17.9 сая | 39.6 сая |
| 3 | Нью Йорк | Р.Жэй Барретт | 16.1 сая | 35.6 сая |
| 4 | Атланта | Де’Андре Хантер | 14.5 сая | 32.1 сая |
| 5. | Кливлэнд | Дариус Гарланд | 13.1 сая | 29 сая |
| 6. | Миннисота | Жарретт Кулвер | 11.9 сая | 26.4 сая |
| 7. | Чикаго | Коби Уайт | 10.9 сая | 24.1 сая |
| 8. | Нью Орленс | Жаксон Хайес | 10 сая | 22.1 сая |
| 9. | Вашингтон | Рүй Хачүмүра | 9.2 сая | 20.3 сая |
| 10. | Атланта | Кам Рэддиш | 8.7 сая | 19.3 сая |