Category: Сагсан бөмбөг

NBA: Брүүклиний их гурвал

Брүүклинд нэгдсэн гурвалын сүүлийн 10 жилд гаргасан хувь тоглогчийн амжилтуудыг багцлаад харвал тэн хагаст нь лигийг дундаж оноо авалтаар тэргүүлсэн, аваргын бөгж-3, финалын тоглолтын үнэ цэнэтэй тоглогчийн цом-2, улирлын шилдэг тоглогчийн цом-1, олимпийн наадмын аваргын алтан медаль-4, дэлхийн аваргын алтан медаль-3, дэлхийн аваргын шилдэг тоглогчийн цом-2, лигийн шилдэг залуу тоглогчийн цом-2, лигийн шилдэг зургаа дахь тоглогчийн цом-1 гээд зогсохгүй нь дээ…

Гурван тоглогчийн гол амжилтуудыг багцлан бэлтгэсэнийг үзэж сонирхоно уу!

Брүүклинд нэгдсэн гурван тоглогчийн НБА дэх хувийн амжилтууд

NCAA: Галзуу гуравдугаар сар

Тун удахгүй болох Гуравдугаар сарын галзуурал, Америкийн нэгдсэн улсын коллежийн сагсан бөмбөгийн оргил тэмцээн БАБЛ-тай төстэй арга барилаар зохиогдож магадгүй.

Тэртээ 1939 онд Сагсан бөмбөгийн дасгалжуулагчдын холбооноос анх санаачлан эхлүүлж байсан энэ агуу түүхтэй тэмцээн (Монголын Оюутны сагсан бөмбөгийн лиг гэж болох) ихэнхдээ Гуравдугаар сард зохиогддог байсныг спортын зах зээлийн бизнес тоглогчид овжин ашиглаж АНУ-даа хамгийн их үзэгчтэй лигүүдийн эгнээнд аваачиж, жил бүр хүсэн хүлээдэг гайхалтай нэрийн хуудас тэмцээн болгож чаджээ. Жил бүр олон сая Америкчууд төдийгүй дэлхийн өнцөг булан бүрт байдаг оюутны сагсан бөмбөгийн сонирхогчид, АНУ-д сургууль төгсөгчид шимтэн үзэхийн зэрэгцээ, аваргын хүснэгтийг бөглөх таавар, фантази, бэт зэргээр сонирхолтой болгож оролцдог.

Нэдүгээр дивизионы 68 багийн тулаан гуравдугаар сард эхэлж дөрөвдүгээр сард аваргаа тодруулдаг.

March Madness (Гуравдугаар сарын галзуурал)

Гол сэдэвтээ ороё:

Өнгөрсөн 2020.03.11-ний өдөр Юта Жазз багийн төвийн тоглогч Рүди Гобэр коронавирусын халдвартай нь тогтоогдсоны дараа НБА улирлын үлдсэн тоглолтуудыг тусгаарлсан орчинд үргэлжлүүлэхээр шийдвэрлэсэн. Ингэснээр Флорида муж, Орландо хотын Уолт Диснейн Ертөнцийг бабл болгон зохион байгуулж, үлдсэн 3 сарыг үргэлжлүүлж, амжилттай дуусгасан.

Харин НСАА бүтэн улирлаа цуцалсан.

Үр дүнд нь?

НБА бабл дахь 3 сарын зохион байгуулалтанд 180 сая ам.долларын зардал гаргасан. Мөн АНУ-БНХАУ маргаанаас улбаатай Хятадын CCTV шууд дамжуулалтаа зогсоож байв. Гэхдээ амжилттай, тэд үлэмж хэмжээний орлого алдахаас сэргийлж, телевизийн шууд дамжуулалт, ивээн тэтгэгч, зар суталчилгаа зэргээс нийтдээ 1.5 тэрбум ам.долларын орлого олсон. (Эх сурвалж).

НСАА жилийн орлогынхоо 80% орчмыг энэхүү тэмцээнтэй холбоотойгоор олдог. Шууд дамжуулалт эрх, тасалбарын орлого, нэрийн бүтээгдэхүүн, концесс гэх мэт.

Жишээ нь: CBS телевизэд өгсөн шууд дамжуулалтын эрх 2000 онд 200 сая ам.доллар байсан бол өдгөө 800 сая ам.доллар болж 4 дахин өссөн байх жишээтэй.

Эх сурвалж: НСАА тайлан (жилийн дүнг дунджилсан)

Тэгвэл энэ удаад Гуравдугаар сар?

НСАА-гаас өнгөрсөн долоо хоногт мэдээллэхдээ: Энэ жилийн тэмцээн бүхэлдээ бабл-тай төстэй зохион байгуулалтаар Индианаполис мужид хэд хэдэн талбайд зохиогдох боломжтой гэжээ.

Эхний байдлаар зургаан талбайг сонгоод байгаа нь:

Индианаполис

  • Bankers Life Fieldhouse (Индиана Пэйсерс)
  • Lucas Oil Stadium (Индианаполис Колтс)
  • Hinkle Fieldhouse (Батлэр Их Сургууль)
  • Indiana Farmers Coliseum (Индиана болон Пүрдү Их Сургууль)

Блүүмингтон

  • Simon Skjodt Assembly Hall (Индиана Их Сургууль)

Вэст Лафаеттэ

  • Mackey Arena (Пүрдү Их Сургууль)

АНУ цагаар 2021.03.14-ний Ням гаригт эхлэх, “Шилдэг 4”-ийн тоглолтууд 2021.04.03,05 өдрүүдэд гэсэн урьдчилсан хуваарь гарчээ.

Зургийг: https://twitter.com/marchmadness

Сонирхолтой тоон мэдээллүүд үзэх үү?

  • НСАА Гуравдугаар сарын галзуурлын үеэр Үндэсний телевизээр цацагдаж буй зар сурталчилгааны дүн 1.3 тэрбум ам.доллар хүрч байгаа НБА, МЛБ (Мэргэжлийн бэйсболын лиг)-ээс өндөр байна.
Эх сурвалж: Kantar Media, Statista
  • Насанд хүрсэн америкчуудын таван хүн тутмын нэг нь бооцоот тааварт оролцдог гэвэл 10 тэрбум ам.долларын зах зээл
  • Ивээн тэтгэгч байгууллагуудаас 185 сая ам.доллар олдог
  • Зөвхөн тэмцээний өдрүүдэд тасалбар, шар айраг, тааварт тоглоом гэх мэтээр эдийн засагт 12 тэрбум ам.долларын хөдөлгөөн үүсдэг

Өөр үү?

Жил бүрийн тэмцээнийг хүлээн авч зохион байгуулсан хотууд үлэмж ашигтай байж чаддаг.

Хэдийгээр цар тахалтай, хөгжөөн дэмжигчид байх эсэхийг мэдэхгүй ч Индианаполис хот чамлахааргүй үр шимийг хүртэх нь ойлгомжтой байна.

НСАА-гийн энэхүү мэдэгдэлийн талаар:

“Хот, мужийн хэмжээнд бид гартаа буу атгачихлаа л гэсэн үг. Бидний сонссон гайхалтай мэдээнүүдийн нэг.”

Патрик Тамм (Индианагийн Ресторан, Үйлчилгээний эрхлэгчдийн холбооны тэргүүн)

Тус хотод 3000 гаруй зочид буудлын өрөө байдаг бөгөөд хөгжөөн дэмжигчид ихээр ирэх эсэхийг хэлж мэдэхгүй ч хөдөлгөөн нэмэгдсэнээр 100 сая ам.долларын эргэлт бий болно гэж төсөөлжээ.

Эцэст нь:

Дээрх бүхэн зөвхөн төсөөлөл, төлөвлөгөө байгаа гэдгийг санах хэрэгтэй. Мэдээж Индианаполис хот хожих нь гарцаагүй.

Гагцхүү хөл хөдөлгөөн ямар байх нь ковид19-ын тархаж, түүний эсрэг авч буй арга хэмжээ ямар байхаас шууд хамааралтай.

Галзуу гуравдугаар сараар уулзацгаая.

Эх сурвалж: Huddle Up

NBA: Эхний долоо хоногийн тухай

НБА-гийн түүхэн 75 дахь улирал цар тахлын улмаас Арванхоёрдугаар сарын 23-ны өдөр хөшгөө нээсэн. 72 тоглолттой онцгой улирлын эхний долоо хоногт KOO.MN-ээс гаргасан 2021 оны чансааны дагуу онцлох багууд ямар амжилттайгаар улирлаа эхлүүлсэнийг сонирхоцгооё.

Лос Анжелес Лэйкерс
Лос Анжелес Лэйкерс

Аваргаа хамгаалагч Лос Анжелес Лэйкерс баг нээлтийн үдэш түүхэн дэхь хамгийн үнэтэй бүтээгдсэн аваргын бөгжөө гардан авсан ч хотын нөгөө баг болох Клипперстэй хийсэн улирлын эхний тоглолтдоо 109-116 харьцаатай ялагдал хүлээв.
Энэ өдрөөс хойш 2 тоглолт хийсэн Аваргууд 132.5 оноо дунджилж Даллас Маверикс болон Миннесота Тимбервулвес багуудыг илүүрхэн буулгаж авав.
Өнгөрсөн улирлын бүрэлдэхүүндээ хэд хэдэн өөрчлөлт хийсэн тэдний хувьд улирлын эхэн хэсэгт нэгэнтэйгээ ойлголцох, багийн уур амьсгал зэрэгт ямар нэгэн асуудалгүй байгаа нь сайн хэрэг.
Тэд энэ долоо хоногт Портленд Трейл Блэйзерс багийг талбайдаа хүлээн аваад Сан Антонио Спөрс багийн талбайд 2 тоглолт хийх хувиартай байна.

Брүклин Нэтс
Брүклин Нэтс

Өнгөрсөн улирлын хувьд багийн лидерүүдийн эзгүйд плей-оффт шалгарч чадсан ч хүссэн амжилтаа үзүүлж чадаагүй Брүүклин Нетс энэ улирал хүчтэй дайралт хийхээ улирлын нээлтийн тоглолтод баталсан.
Харамсалтай нь улирал дөнгөж эхлэж байхад чухал тоглогчдын нэг Спенсер Динвиддиегийн улирал дууссан байна.
Чухал тоглогчоо гэмтэлд алдсан Нетс багийн лидерүүдээ дараалсан тоглолтуудад оролцуулалгүй амрааж эхэлсэн. Мемфис Гриззлесыг хүлээн авч нэмэлт цагт 116-111 харьцаатай ялагдал хүлээсэн бол дараагийн тоглолт талбайдаа Атланта Хокс багийг хүлээн авах юм.

Лос Анжелес Клипперс
Лос Анжелес Клипперс

Өнгөрсөн улирал хүссэн амжилтаа үзүүлж чадаагүй Лос Анжелес хотын нөгөө баг энэ намрын солилцооны цонхоор тун сонирхолтой шилжилтүүдийг хийсэн.
Улирлыг маш сайн эхлүүлж, гэмтэл бэртлийн асуудлаас бүрэн ангижирсан Пол Жорж бүх одод түвшний тоглолтоо гаргаж нээлтийн 2 тоглолтдоо төвөггүй ялалт байгуулаад байсан хэдий ч багийн лидер Кавай Леонардын эзгүйд талбайдаа Даллас Маверикс багт 51 онооны зөрүүтэй маш том ялагдлыг хүлээв.
Леонард хэзээ талбайд гарах мэдээлэл хараахан гараагүй байгаа бөгөөд энэ долоо хоногт гэртээ Миннесота Тимбервулвес, Портланд Трейл Блэйзерс багийг хүлээн аваад Юта Жазз багийн талбайд зочлох хувиартай.
Тэдний энэ улирлын зорилго зөвхөн аваргын төлөө дайралт гэдгийг бүгд мэдэж байгаа, харин хүссэн үр дүнгээ авч чадах болов уу?

Милоуки Бакс
Милоуки Бакс

Өнгөрсөн улирал олон аналистуудын таамгийг эвдэж дэндүү эрт улирлаа дуусгасан Милоуки Бакс баг энэ намрын солилцооны цонхоор боломжийн ажиллаж чадсан.
Тэдэнд дутагдаж байсан плей-мэйкер, клач хамгаалагчийг авчран багийн лидер 2 удаагийн Үнэ Цэнэтэй тоглогч Яннис Антетокоунмпотой урт хугацаатай гэрээ байгуулсан.
Улирлын нээлтийн 3 тоглолтдоо 2 ялагдал хүлээсэн Бакс улирлын турш ийм тааруу тоглолт үзүүлэхгүй нь ойлгомжтой.
Тэд энэ долоо хоногт Майами Хит багийн талбайд 2 удаа тоглох зочилох бөгөөд өнгөрсөн улирлынхаа ялагдлын хариуг авах ч боломж бий.

Майами Хит
Майами Хит

Өнгөрсөн улирлын Дорнод бүсийн аварга Майами Хит багийн хувьд энэ намрын солилцоо наймааны цонхоор хэд хэдэн түлхүүр тоглогчдоо алдсан хэдий ч тэднийг нөхөх тоглогчдоо авчирж чадсан.
Улирлын нээлтийн тоглолтоо Орландод ялагдал хүлээсэн ч дараагийн тоглолтоо талбайдаа хийн залуухан бүрэлдэхүүнтэй Нью Орлеанс Пеликанс багийн эсрэг ялалт байгуулсан тэдний хувьд энэ долоо хоногт Дорнод бүсийн хүчтэй өрсөлдөгч Милоукки Бакс багийг талбайдаа хүлээн авах юм.

Бостон Сэлтикс
Бостон Сэлтикс

Энэ улирлын Дорнод бүсийн аваргын төлөө хүчтэй өрсөлдөөн үзүүлэх багийн нэгт зүй ёсоор багтах Бостон Селтиксийн улирал Милоукки Баксыг буулгаж авсанаар эхэлсэн ч дараалсан тоглолтуудад ялагдал хүлээгээд байгаа билээ.
Тэд энэ долоо хоногт 2 тоглолт хийх хувиартай бөгөөд Индиана Пэйсерс багийн талбайд зочилон тоглоод Мемфис Гриззлесийг талбайдаа хүлээн авах хувиартай.

Юта Жазз
Юта Жазз

Төвийн байрлалын тоглогчтой өмнө нь үзэглэж байгаагүй том гэрээг хийсэн Юта Жазз баг энэ улирал Өрнөдийн шилдгүүдийн нэгээр зүй ёсоор нэрлэгдэж байна.
Эхний долоо хоногт 50% амжилт үзүүлсэн Юта Жазз энэ долоо хоногийн эхний тоглолтоо Оклахома хотод зочилон 110-109 харьцаатай ялалт байгуулсан байна.
Тэдний дараагийн учраа гэртээ бүсийн хүчирхэг багуудын нэгт орох Финикс Сансыг хүлээж авах юм.

Дэнвэр Наггэтс
Дэнвэр Наггэтс

Өнгөрсөн улирал таамаг эвдэж бүсийн финал хүртэл аялсан Денвер Наггетс багийн шинэ улирал хүссэнээр нь эхэлсэнгүй.
Нээлтийн 2 тоглолтдоо ялагдал хүлээсэн тэдний гол асуудлыг ачаалалтай холбон тайлбарлаж болох юм.
Ямартай ч улирлыг хүссэнээрээ эхлүүлж чадаагүй Наггетсаас ийм муу тоглолт олон харахгүй нь ойлгомжтой.
Тэд энэ долоо хоногт Хьюстон Рокетс, Финикс Санс багуудыг талбайдаа хүлээн авч Сакраменто Кингсийн талбайд зочилох хувиартай.

Эхний долоо хоног (KOO.MN – Season 1)

Фантази лигийн эхний долоо хоног Жэймс Хардэний торгууль, ковидын улмаас цуцлагдсан тоглолт зэргийн нөлөөгөөр 2 тоглолт эрс зөрүүтэй болсоныг тооцвол ойролцоо үр дүнтэй байлаа.

KOO.MN – Season 1 – 1-р долоо хоног
KOO.MN – Фантази лигийн хүснэгт

Мэдээллийг бэлтгэсэн: Буяка

Сагсан бөмбөг: Оюутны лиг 20(20 онд)

Монголын сагсанбөмбөгийн Оюутны лиг 20 дахь удаагаа хамгийн хамгийн гэсэн тодотгол дүүрэн, онцлох олон олон дуулиантай болж өндөрлөлөө.

Эхлэл

2019.10.22 – Техникийн зөвлөгөөн

2019.10.24 – Оюутны лигийн 2019-2020 оны улирлын нээлт

2019.11.01 – Даатгалгүй тамирчин талбайд гардаггүй болов

2019.11.01 – Даатгалгүй тамирчин талбайд гардаггүй болов
2019.11.09-10 – Баг, тамирчдын зураг авалт “Media Day”

2019.12.29 – Улирлын завсарлагын өмнөх сүүлийн тоглолтууд болов

Уйтгартай үе…

2020 он гарсанаас хойш бүтэн 8 сар Оюутны лигийн сагсанбөмбөг төдийгүй дэлхий нийтийн спортын амьдрал зогсов. Тэр ч бүү хэл хүн төрөлхтний баяр цэнгэлийн манлай зуны олимпийн наадам хүртэл хойшлогдов.

Гэхдээ бас хөгжилтэй. 2020.04.01-ндээд амжсан байдаг.

Гэхдээ лигийн зохион байгуулагчдын зүгээс зүгээр суусангүй.

Төгсгөл. Баяртай мөч.

Лиг 6 сар завсарласны эцэст эргэн ирсээн. Зарим онцлох мөчүүдийг эргэн санавал…

92 оноо Ө.Индра
34 минут тоглохдоо 70 довтолгооноос 41 довтолгоо амжилттай болгосон 92 оноо авсан гүйцээ… 20 дахь удаагийн оюутны лиг….

Этүгэн Ирвэсүүд багийн тоглогч Ө.Индра 92 оноо авав

Гадаад тоглогч
20 дахь удаагийн Оюутны лиг Хамгийн анхны ИМПОРТ оюутан тамирчин И E Чань(MIU)….

И Е Чань

Багуудын сошл сувгийн идвэхжүүлэлтийн уралдаанууд

Аваргын тоглолттой өдрийг эргэн дурсахуй. Дуугай тогло ( влог)

Хорь дахь удаагийн оюутны лиг товчоор

Энэ жилийн тэмцээнд нийт 41 сургуулийн 52 баг, хоёр дивизионд хурд хүч авхаалж самбаагаа сорьсон.

#2-р дивизион

ЭрэгтэйЭмэгтэй
1.МУИС ШОНХОРУУД – II1.ЭТҮГЭН ИРВЭСҮҮД
2.ЭЗШУИС2.МУИС ШОНХОРУУД
3.ЭТҮГЭН ИРВЭСҮҮД – II3.ОТИС ШИЛҮҮСНҮҮД
2-р дивизионы шагналт байрын багууд

ШИГШЭЭ ТОГЛОЛТУУД:
Эрэгтэй
МУИС ШОНХОРУУД – II – ЭЗШУИС
Эмэгтэй
МУИС ШОНХОРУУД – ЭТҮГЭН ИРВЭСҮҮД

III байрын тоглолтууд:
Эрэгтэй
ЭТҮГЭН ИРВЭСҮҮД – ШУТИС АКУЛУУД
Эмэгтэй
ОТИС ШИЛҮҮСНҮҮД – ЭМШУИС АРСЛАНГУУД

#1-р дивизион

Эрэгтэй
1.МУИС ШОНХОРУУД
2.ОТИС ШИЛҮҮСНҮҮД
3.ШУТИС АКУЛУУД
20 дахь удаагийн лигийн шагналт байрын багууд

Хагас шигшээ тоглолт:
ШУТИС АКУЛУУД – МУИС ШОНХОРУУД – I
ЭТҮГЭН ИРВЭСҮҮД – ОТИС ШИЛҮҮСНҮҮД

Шигшээ тоглолт:
ОТИС ШИЛҮҮСНҮҮД – МУИС ШОНХОРУУД – I

Улирлын ТЭРГҮҮН ТОГЛОГЧ:

Эрэгтэй – П.Мөнх-Оргил (ШУТИС АКУЛУУД) – Innovstyle, Pedro
Эмэгтэй – Ө.Индра (ЭТҮГЭН ИРВЭСҮҮД) – К-50 Store

Билгүүнзул агсны нэрэмжит ОЮУНЛАГ ОЮУТАН ТАМИРЧИН:

Ч. Намуунаа(ОТИС)
М. Дөлгөөн (СЭЗИС)

Дөлгөөн агсны нэрэмжит ФИНАЛЫН ҮНЭ ЦЭНТЭЙ ТОГЛОГЧ:

Ц.Санчир (МУИС ШОНХОРУУД)
Ө.Индра (ЭТҮГЭН ИРВЭСҮҮД)

ШИЛДЭГ ДАСГАЛЖУУЛАГЧ: (Innovstyle , Pedro Mongolia)

O.Баярцогт (ЭТҮГЭН ИРВЭСҮҮД)
Л.Эрдэнэпүрэв (МУИС ШОНХОРУУД)

Бэлгэдлийн шигшээ:

Эрэгтэй:
Мөнхбаатар (ЭТҮГЭН ИРВЭСҮҮД) – Холбон тологч
Цогтсайхан (ОТИС ШИЛҮҮСНҮҮД) – Хамгаалагч
Энх-Амгалан (ХИС ХАРЦАГУУД) – Довтлогч
Ганбаатар (ОТИС ШИЛҮҮСНҮҮД) – Дотвлогч
Пэрэнлэйжамц (МУИС ШОНХОРУУД) – Төвийн тоглогч

Эмэгтэй:
Минжин (МУИС ШОНХОРУУД) – Холбон тоглогч
Магсаржав (МОН-АЛТИУС ) – Хамгаалагч
Цацрал (ЭТҮГЭН ИРВЭСҮҮД) – Довтлогч
Ичинхорлоо (ШУТИС АКУЛУУД) – Довтлогч
Ариунцэцэг (ОТИС ШИЛҮҮСНҮҮД) – Төвийн тоглогч

Хагас шигшээ болон шигшээ тоглолтын шууд дамжуулалт:

Монгол HD телевиз

Ерөнхий ивээн тэтгэгч: Pepsi Mongolia
Дэмжин ажиллагч: Esan.mn; Naadam Center Mongolia; memeChat ; Монре Даатгал – Monre Insurance

Зураг, мэдээллийн эх сурвалж: MCBA

Индонезид тивийн АШТ болно

Цар тахлын улмаас хойшлогдоод байсан сагсан бөмбөгийн Ази тивийн АШТ-ийг ирэх жил Индонезийн Жакарта хотод зохион байгуулахаар боллоо.

Ази болон Номхон далайн орнуудын шилдэг 16 баг өрсөлдөх 30 дахь удаагийн тивийн АШТ ирэх оны наймдугаар сарын 16-28-нд Индонезийн Жакартад болно.

Олон үндэстний өлгий болсон Индонез улсад сагсан бөмбөг эрчтэй хөгжиж буй. Тус улс анх 1993 онд тивийнхээ аваргыг зохион байгуулсан бол ирэх жил хоёр дахиа хүлээн авах гэнэ.

Нийт 267 сая хүн амтай, тэдгээр нь 700 гаруй хэлээр ярьдаг онцлогтой индонезчууд 2023 оны сагсан бөмбөгийн ДАШТ-ийг Япон болон Филиппин улстай хамтран зохион байгуулахаар төлөвлөж байгаа билээ.

Одоогоор Ази тивийн АШТ-д оролцох эрхээ Ливан, Бахрейн улс авсан бол ийнхүү Индонез зохион байгуулагч орноор тодорч, гурав дахь улс нь боллоо.

Манай улсын сагсан бөмбөгийн шигшээ багийн хувьд энэ удаагийн Ази тивийн АШТ-ий урьдчилсан шатанд өрсөлдөөгүй юм.

NBA: Багуудын 2021 оны чансаа (таамаг)

Өнөөдөр улирлын өмнөх тоглолтууд эхэллээ. Маш богино хугацааны улирлын амралттай байсан ч багууд шинэ тоглогч сонголт, солилцоо наймааг идэвхитэй хийлээ. Бидний таамгаар Баблын аваргууд хүчтэй хэвээр гэж байна.

НБА-гийн 30 багийн чансааг гаргасан хэд хэдэн эх сурвалжийг үндэслэн бид өөрсдийн тамгаа дэвшүүлж харьцуулалт хийлээ.

Хамгийн сонирхолтой, хачирхалтай нь CBS Sports-оос гаргасан таамаг бол Bleacher Report бүр долоодугаар сард ойрын гурван жилд ямар багууд хүчирхэг байх вэ? гэдэгт хариулт болгож жагсаасан байв.

Онцлох багууд:

1. Лос Анжелес Лэйкерс

Гэрэл зургийг: NBA.COM

2019/20 амжилт: 52-19, Өрнөд бүс, 1

Ирсэн тоглогчид: Монтрэл Харрэл, Марк Газол, Дэнис Шройдер, Вэсли Матьюс

Явсан тоглогчид: Ражон Рондо, Дэнни Грийн, Дуайт Ховард, Эври Брэдли, Жавал Магги

2020/21 төлөв: Сэлгээний бүрэлдхүүнээ залуу, хурдтай болгож чадсан. Лэброн Жэймс, Антони Дэвис нартай гэрээ сунгаж үлдээснээс багийн цөм, дотоод уур амьсгал, ойлголцлоо хадгалж чадсан нь өмнөх улирлын амжилтаа давтах боломжтойг харуулж байгаа.

2. Милоуки Бакс

Гэрэл зургийг: NBA.COM

2019/20 амжилт: 56-17, Дорнод бүс, 1

Ирсэн тоглогчид: Жрү Холидэй, Бобби Портис, ДЖ Аугистин, Торэй Крэйг, Ник Стаускас

Явсан тоглогчид: Эрик Блэдсой, Жорж Хилл, Вэсли Матьюс, Робин Лопез

2020/21 төлөв: Сүүлийн хоёр улирлыг гайхалтай үзүүлэлттэй дуусгаж байгаа ч хараахан аваргын шатруу очоогүй байгаа. Мөн Яаннистай тохирч буй урт хугацааны супер макс гэрээ эцэслэгдээгүй байгаа ч хурдтай холбон тоглогчоор хүчээ сэлбэсэн тэд удаад хүчтэй хэвээр байна.

3. Лос Анжелес Клипперс

Гэрэл зургийг: NBA.COM

2019/20 амжилт: 49-23, Өрнөд бүс, 2

Ирсэн тоглогчид: Серж Ибака, Лүк Кеннард, Тайрон Лю (дасгалжуулагч)

Явсан тоглогчид: Монтрэл Харрэл, Жамикал Грийн, Ландри Шанет, Док Риверс (дасгалжуулагч)

2020/21 төлөв: Үндсэн дасгалжуулагч Док Риверсийг Тайрон Люгээр солиж, хуучин багийн хамтрагч Кавай, Ибака нарыг нийлүүлж, Пол Жоржтой өндөр дүнтэй гэрээ байгуулсанаар тэд мөн л өрнөд бүсийн хүчтэй баг хэвээр үлдээд байна.

Та цааш нь үргэлжүүлэх үү? таныхаар ямар байх бол?

KBL: Монгол залуу Солонгосын дээд лигт хөл тавилаа

Монгол сагсан бөмбөгч Өмнөд Солонгосын сагсам бөмбөгийн дээд лигт сонгогдлоо. KBL лигийн драфт явагдаж найм дахь сонголтоор Хишгээгийн Болдсүх гэж залуу сонгогджээ.

Драфтын зургуудаас: https://egis.kbl.or.kr/media/photo/10008476

2019.04.12-ны өдөр сургуулийнх нь цахим хуудсанд нийтлэгдсэн мэдээллийг хүргэж байна.

Хишгээгийн Болдсүх (Биеийн тамирын сургууль, 2-р курс)

Ханянг Их Сургуулийн баг Өмнөд Солонгосын Их Дээд Сургуулийн сагсан бөмбөгийн холбооны лигт 9-р байрт жагсаж байна. Тус багт олон чадварлаг тоглогчид байгаа ба тэдний нэг нь Х.Болдсүх юм. Монгол тоглогч лигийн шинэ улирлыг гайхалтай тоглолтоор эхлүүлж, эхний дөрвөн тоглолтод дундажаар 20 оноог авчээ. Түүний өндөр 189 см бөгөөд анхны улиралдаа одоогоор 86 оноо авч, авсан оноогоороо эхний гуравт жагсаж байна.

Khishgee Boldsukh (Department of Physical Education, 2nd year) has peformance exceptionally during the first three games of the 2019 KUFS University League.

Солонгос дахь мөрөөдөл

Болдсүх 11 нас хүртлээ эмээ, өвөөтэйгээ амьдарч байгаад тэднийг бурхан болсны дараа Солонгост ээж дээрээ иржээ. Солонгост ирсэнийхээ дараа Сава Бага Сургуульд элсэж улмаар сагсан бөмбөгийн багт нэгдсэнээр их спортын тамирчин болсон юм. Түүнээс хойш Палрёнг Дунд Сургууль, Масан Ахлах Сургуулиудын сагсан бөмбөгийн багт тоглосон.

Түүнд цөөнгүй багуудад тоглож, мэргэжлийн карьер эхлүүлэх боломж гарч байсан ч иргэншлийн асуудлаас улбаатай эрүүл мэндийн даатгал зэрэг бичиг баримтны хүндрэл тулгардаг байв. Хэдий тийм ч Болдсүх өөрийн хүсэл мөрөөдлөө орхилгүй явсаар, сагсан бөмбөгийн ур чадвараа харуулж 2018 онд Ханянг Их Сургуульд элссэн аж.

Boldsukh faced numerous hardships while pursuing his career as a foreign player in Korea.


Гол тоглогч болсон нь

Болдсүх 2018 оны намар Ханянг Их Сургуульд элссэн боловч лигийн улирал эхлэх үеэр иргэншлийн асуудал шийдэгдээгүй тул өнгөрсөн жилийг өнжсөн. 2018 оны аравдугаар сард Солонгосын иргэншилтэй болж, улмаар дараа жил нь анхны тоглолтоо хийжээ.

Түүнийг багт ирснээр Ханянг Их Сургуулийн баг илт сайжирсан. Болдсүх энэ талаар “Манай багийн гишүүд харилцаа сайтай нь багийн амжилтад эерэгээр нөлөөлдөг. Мөн бид нягт хамгаалалтаас хурдан довтолгоонд шилжих дээр ажиллаж байна” гэж ярьсан. Тэрбээр өөрийн хувийн амжилтынхаа талаар сагсан бөмбөг бол багийн спорт, багийнханы маань дэмжлэг, ойлголцлын нөлөөгөөр ийм амжилтад хүрсэн хэмээн дурсчээ.

Boldsukh has an important role in helping the Hanyang University team make the playoffs this season.

Болдсүх багийн лидерийн үүрэг гүйцэтгэж, тэр хэрээр багийн амжилт ч ахиж байна. Одоогийн байдлаар нийт 81 оноо авч, (дундажаар 21 оноо),багаа тэргүүлж буй бол лигт гуравдугаарт бичигдэж явна. Тэрбээр довтолгооноос гадна хамгаалалтад идэвхтэй. Сүүлийн дөрвөн тоглолтод есөн бөмбөг таслалт хийж, лигт зургадугаарт жагсаж байгаа юм.

Түүний хувьд энэ жил оюутны лигтээ түрүүлэх зорилготой. Цаашлаад Солонгосын үндэсний шигшээ багт тоглох мөрөөдөлтэй аж. Ойрын хугацаанд бол багтаа тусалж, плейоффт шалгарч, улирлаа амжилттай дуусгах зорилго тээж байна.

Эх сурвалж: Hanyang University News

https://www.youtube.com/watch?v=Tvj4dD4PMjk
Х.Болдсүхийн тойм бичлэг – KOO.MN бэлтгэв

Сэтгүүлчийн тэмдэглэл

Өнөөдөр БНСУ-ын сагсан бөмбөгийн дээд лиг болох KBL-ийн шинэ тоглогч сонгох драфт болсон. Х.Болдсүх драфтын №8-аар “Чоньжү Эгис” багт очжээ. Өнгөрсөн жил Ханянг их сургуулийн багт тоглох болсон тэрбээр БНСУ-ын иргэншил авч, нэрээ И Ген Хе болгон сольжээ. Тэрбээр өнгөрсөн жил оюутны лигт 17.6 оноо дунджилсан бол энэ жил 28.7 оноо дунджилсан аж. Холын зайнаас оновчтой шиддэг ч хамгаалалт тааруу гэж шинжээчид дүгнэжээ.

Шигшээ тэмцээнд Монголын баг оролцоно

Ирэх сарын 18-19-нд Саудын Арабын Жеда хотод 3х3 сагсан бөмбөгийн эрэгтэйчүүдийн шигшээ тэмцээн болно. Уг тэмцээнд Монголын “Улаанбаатар ММС Энержи” баг анх удаа оролцох эрх авсан юм.

Катарын Доха хотод болсон энэ оны сүүлийн Мастерс тэмцээний дараа Жедад болох шигшээ тэмцээнд оролцох 12 баг тодорсон юм.

Монголын “Улаанбаатар ММС Энержи” баг 53 оноогоор чансааны 11-д жагссан тул шигшээ тэмцээнд оролцох эрх авчээ.

Жедад оролцох 12 баг:

  • 1. Рига (Латви) – 320 оноо
  • 2. Лиман (Серб) – 320
  • 3. Нью Йорк Харлем (АНУ) – 179
  • 4. Нови Сад (Серб) – 170
  • 5. Үтена Юниклуб (Литви) – 150
  • 6. Жедда (Саудын Араб) – 140
  • 7. Лозанна Катапулт (Швейцарь) – 135
  • 8. Пиран (Словак) – 130
  • 9. Сакай Гулбеле (Литви) – 118
  • 10. ЮБ (Серб) – 98
  • 11. Улаанбаатар ММС Энержи (Монгол) – 53
  • 12. Амстердам (Нидерланд) – 50

Нидерландын “Амстердам” болон АНУ-ын “Принстон” баг ижил 50 оноогоор тэнцсэн ч нэг тоглолтод авч буй дундаж оноогоор “Улбар шарууд” тэргүүлсэн тул эрх авчээ.

Энэ удаагийн тэмцээнд Монголын “Улаанбаатар ММС Энержи” болон Сербийн “ЮБ” баг анх удаа оролцох юм.

Доха 2020

Монгол улсын “UB MMC Energy” баг “ДЭЛХИЙН ТУРЫН ШИГШЭЭ” цувралд оролцох боломжтой.

Энэ онд төлөвлөгдсөн 3×3 сагсан бөмбөгийн цуврал тэмцээнүүд өндөрлөх дөхөж байна. Өнөөдрөөс Катарын Доха хотод “Доха 2020” тэмцээн эхэлж 14 баг өрсөлдөнө.

Тус тэмцээний үр дүнгээс шалтгаалж, оны сүүлээр чансаагаар шалгарсан багууд Саудын Арабад аваргаа тодруулах юм.

Хоёр сар гаруй хугацаанд завсарлаад дахин эхэлж буй 3×3 сагсан бөмбөгийн тэмцээнээс хөгжөөн дэмжигчид юуг хүлээх вэ?

Доха Мастеруудын тэмцээний мэдээллийг хаанаас авах вэ?

FIBA 3×3 холбооны албан ёсны сувгууд Twitter, Instagram-аас мэдээлэл авахаас гадна шууд дамжуулалтыг Facebook, YouTube хаягаас үзэх боломжтой.
Мөн телевизээр шууд дамжуулах сувгуудын жагсаалт.

FIBA 3×3: World Tour DOHA Masters 2020 LIVE
MNBA SPORTS Channel LIVE

Доха-д хэн хэн өрсөлдөх вэ?

Нийт 14 баг: Liman, Riga, NY Harlem, Princeton, Ub, Lausanne Katapult, Jeddah, Manila Chooks TM, Kamakura NatureMade, Riyadh, Bielefeld LFDY, Lusail, Yoyogi Crayon.EXE, Utena Uniclub

Тэмдэглэл: Тухайн улс болон олон улсын байгууллагуудаас тавьсан шаардлага, гаргасан зөвлөмж, ФИБА Эрүүл Мэндийн зөвлөлөөс бэлтгэсэн зааварчилгааг мөрдлөгө болгон Унгар улсад амжилттай ажилласан туршлагаа үргэлжлүүлнэ.

Хэсгийн оноолт яаж гарсан бэ?

“Дэлхийн тур”-ын шигшээд хэн үлдэж чадах вэ?

Дохагийн мастеруудын цувралын үр дүнгээс хамаарч, Жедад болох шигшээ финалд оролцох багууд эцсийн байдлаар тодорно.

Одоогоор дараах 10 баг шигшээд оролцох эрхээ баталгаажуулсан:

  • Liman (SRB),
  • Riga (LAT),
  • Novi Sad (SRB),
  • NY Harlem (USA),
  • Piran (SLO),
  • Sakiai Gulbele (LTU),
  • Lausanne Katapult (SUI),
  • Ub (SRB),
  • Utena Uniclub (LTU),
  • Jeddah (KSA).

Доха-д 14 баг өрсөлдөнө: Үүнээс долоон баг эрхээ авсан бол бусад долоон багийн хувьд анх удаа нэр хүндтэй тэмцээнд оролцож байна. Анх удаа оролцож буй багуудаас нэг нь хагас шигшээд хүрвэл 12-т жагсаж буй “Амстердам” баг шигшээд оролцохгүй бол хоёр нь шалгарвал “УБ ММС Энержи” баг нутагтаа үлдэх болно.

Эх сурвалж: https://worldtour.fiba3x3.com/

NBA: Шилдэг 100 баг (Data)

Хойд Америкийн Үндэсний Сагсан бөмбөгийн холбооны лиг НБА болсоноос хойш улиралд хамгийн олон хожил байгуулж байсан эхний 100 багийг тодруулж харая.

Чикаго Булз шилдэг үү, эсвэл Голдэн Стэйт Уариорс шилдэг нь үү гэдэг маргаан их байдаг.

2015-16 оны улиралд Голдэн Стэйт Уариорс 73-9 амжилт үзүүлсэнээр 20 жилийн өмнөх Чикаго Булз багийн 72-10 хэмээх түүхэн амжилтыг гүйцэж байсан.

Тэгвэл бусад багууд хэд хэдэн хожил авч эхний 100-д багтсан байгааг графикаас хараарай.

Доорх радар графикийг унших заавар:

Бүх үзүүлэлт улирлын нийт дүнгээр.
ХОЖИЛ
ОНОО
САМБАР
ДАМЖУУЛАЛТ
ДОВТОЛГОО
ЧӨЛӨӨТ ШИДЭЛТ
ДУНДЫН ДОВТОЛГОО

Голдэн Стэйт Уариорс: Дундын довтолгооны тоо цөөн боловч авсан оноо өндөр, мөн самбараас авсан тоо харьцангуй цөөн, чөлөөт шидэлт цөөн зэрэг нь орчин үеийн сагсан бөмбөг гэдгэх алсын зайн довтолгооны тоо өндөр, гүйцэтгэлийн хувь өндөр байгаатай холбоотой юм.

Чикаго Булз: 1995 оны үеийн сагсан бөмбөгийн дүр зургийг харж болохоор байна. Самбар, дундын довтолгоо зэрэг арай илүү, будагтай талбайн тоглолт зонхилдог байсныг гэрчилнэ.

Эхний 10 баг дотроос 1971 оны Лайкерс, 1966 оны Филаделфиа багуудын график төгс мэт харагдаж байгаа нь 3 онооны шидэлтийн шугам нэвтрээгүй байсан ба будагтай талбайн тоглолт ноёлдог байснаас чөлөөт шидэлт их шидэж байсныг гэрчилж байна.

NBA Top-100 Teams
var divElement = document.getElementById(‘viz1605793689983’); var vizElement = divElement.getElementsByTagName(‘object’)[0]; vizElement.style.width=’100%’;vizElement.style.height=’3227px’; var scriptElement = document.createElement(‘script’); scriptElement.src = ‘https://public.tableau.com/javascripts/api/viz_v1.js’; vizElement.parentNode.insertBefore(scriptElement, vizElement);

Эх сурвалж: DD Analytics

NBA: Энтони Эдуардс №1 тоглогч боллоо

Хойд Америкийн Үндэсний сагсан бөмбөгийн лигийн шинэ тоглогч элсүүлэх драфтын үйл ажиллагаа боллоо.

Цар тахлын улмаас драфтын үйл ажиллагааг уламжлалт аргаас өөрөөр зохион байгуулах шаардлагатай болсон билээ. Өнгөрсөн зургадугаар сард жил бүр Нью-Йорк хотод залуу одод чуулдаг байсан бол энэ удаагийн арга хэмжээг ESPN компанийн баазад зохион байгуулсан онцлох явдал болов.

Эхний сонголтыг Миннесота хийлээ. Тэд ирээдүйн Донован Мичелл хэмээн үнэлэгдэх Энтони Эдуардсыг сонгож авсан юм. Хамгаалагч, Жоржиа Их Сургуулийн бүтээгдэхүүн Э.Эдуардс америк хөлбөмбөгийн бүх байрлалд тоглож байсан эв дүйтэй залуу. Харин Голден Стэйт төвийн тоглогч Жэймс Уайсмэнийг авсан бол Майкл Жорданы тэргүүлдэг Шарлотт удаан хугацаанд төлөвлөсөн ЛаМело Боллыг эгнээндээ нэгтгэлээ.

Драфт ТОП 10

  1. Миннесота – Энтони Эдуардс (Жоржиа)
  2. Голден Стэйт – Жэймс Уайсмэн (Мэмфис)
  3. Шарлотт – ЛаМело Болл (АНУ)
  4. Чикаго – Патрик Уильямс (Флорида Стэйт)
  5. Кливлэнд – Исаак Окоро (Аубурн)
  6. Детройт – Онека Оконву (Өмнөд Калифорниа)
  7. Кильян Хэйс (Франц)
  8. Нью-Йорк – Оби Топпин (Дэйтон)
  9. Вашингтон – Дэни Авдия (Израиль)
  10. Финикс – Жален Смит (Мэрилэнд)

Нэгдүгээр тойргийн бусад тоглогчид

NBA: Ирэх улирлын хуваарьтай ТАНИЛЦ

Цар тахлын улмаас өнгөрсөн улиралд багагүй завсарлага авсан NBA ирэх улирлынхаа хуваарийг танилцууллаа.

Ирэх улирлыг NBA 72 тоглолттой зохион байгуулахаар тохиролцоонд хүрсэн. Түүнчлэн цар тахлын аюул дахин нөмрөх эрсдэлтэй учраас лигийн тоглолтуудад уян хатан зохицуулалт хийхээр болсон аж. Тодруулбал, улирлын эхний хагаст титэм вирусын улмаас хойшлогдсон тоглолт улирлын сүүлийн хагаст аль боломжтой өдөрт шилжүүлэхээр болжээ.

Баг тус бүр өөрийн бүсийн багтайгаа гурван удаа тоглох бөгөөд нийлбэр нь 42 тоглолт. Эсрэг бүсийн багтайгаа хоёр удаа буюу нийт 30 тоглолт хийнэ.

Энэ удаагийн хуваарьт нэгэн шинэ өөрчлөлт орсон нь “Play-In Tournament” буюу плэй-оффын сүүлийн байрын төлөөх нэмэлт тоглолт болох юм. Улирлын үзүүлэлтээр бүсийнхээ долоо болон наймд жагссан багууд хоорондоо хүч үзнэ. Энэ тоглолтод ялсан баг нь шууд плэй-оффт өрсөлдөх эрхээ авах бол хожигдсон баг нь 9 болон 10 дугаар байрны төлөө өрсөлдөөд хожсон багтай плэй-оффын сүүлийн байрны төлөө өрсөлдөх юм.

Плэй-оффын тоглолт хамгийн оройдоо гэхэд долдугаар сарын 22-нд дуусна. Ингэснээр тамирчид ирэх жилийн зуны олимпод оролцох бүрэн боломжтой байх аж.

2020-2021 оны улирлын хуваарь:

  • XII. 11 – 19: Улирлын өмнөх тоглолт (бага тус бүр 3-4 тоглолт хийнэ)
  • XII. 22 – III. 4: Улирлын эхний хагас
  • III. 5 – 10: Бүх оддын тоглолт
  • III. 11 – V. 16: Улирлын хоёрдугаар хагас
  • V. 18 – 21: Плэй-оффын сүүлийн байрны төлөөх тоглолт (7-8, 9-10 хоорондоо)
  • V. 22 – VII 22: Плэй-офф

Жич: АНУ-ын цагаар