Author: Д. Бямбажаргал

Спорт сонирхогч Сайтын гэрэл зурагчин

Сагсан бөмбөгийн хувьсал

Сагсан бөмбөгт хамгийн өндөр оноо авах боломжтой довтолгоо гурван онооны буюу манайхаар холын зайн шидэлт 1979 оны улирлаас нэвтэрсэн байдаг.

1980-аад оны үед НБА багууд дунджаар 2.8 удаа холын зайн шидэлт гүйцэтгэдэг байсан бол өнөөдөр энэ тоо 1000% өссөнөөр нэг баг дунджаар 35 (одоогийн гүйцэтгэлээр) удаа холын зайн шидэлт хийдэг сагсан бөмбөгийг бид үзэж байна.

1980-2021 оны хүртэлх холын зайн шидэлтийн тоо ба гүйцэтгэл хувь

Тухайлбал: Жэймс Хардэн, Стэфэн Карри зэрэг бүх одод тоглогчид зөвхөн нэг тоглолтонд 10-аас олон удаа холын зайн шидэлт гүйцэтгэх нь хэвийн үзэгдэл болжээ.

Довтолгооны бүтэц ямар болсон байгааг DD Analytics-ын зураглалаас хараарай.

Эх сурвалж: https://www.ddanalytics.mn/

Яагаад гэж үү?

Учир нь сүүлийн 20 жилийн дунджаас харахад НБА нэг тоглогч гурвын шугамын гаднаас 1.05 оноо, булангийн гурвын шугамын араас 1.16 оноо авч байхад будагтай талбайгаас 0.79 оноо авч байна. Үүнийг илүү ойлгомжтой болгоод 100 тоглогч дундын довтолгооноос 79 оноо авах бол холын зайнаас 105 магадгүй 116 оноо авах боломжтой байгаа юм.

Эх сурвалж: Shottracker

Статистик, дүн шинжилгээ

21-р зууны эхээр Билли Бийн, Пол ДэПодэста гэх хоёр нөхөр Бейсболын спортод дүн шинжилгээг нэвтрүүлж байсан (Moneyball киноноос дэлгэрэнгүй үзэх боломжтой) нь өнөөдөр хөлбөмбөг, гольф, сагсан бөмбөг гэхчлэн бүхий л спортод өргөн нэвтрээд байна.

Түүнчлэн өнөөдөр дүн шинжилгээний баг эсвэл ямар нэгэн шинжээч ажилтангүй мэргэжлийн холбоо, баг ховор болсон.

Тиймээс статистик бүртгэл, дата шинжилгээний хэсэг нь мэргэжлийн спортын нэгэн жишиг болж, тухайн спортыг өөр түвшинд хүргээд байгаа.

Яагаад дүн шинжилгээ, датаны тухай яриад байна гэж үү?

Учир нь өнөөдөр өргөн дэлгэрч, спортын хорхойтон төдийгүй огт спортод сонирхолгүй нэгнийг хүртэл уруу татах болсон ФАНТАЗИ болон ТААВАРТ + БООЦООТ (bet) тоглоомын зах зээлийн суурь нь статистик бүртгэл (data) бөгөөд түүнд хийсэн дүн шинжилгээ (analyze) юм.

Тэгвэл мэргэжлийнхэн статистик мэдээллийг хэрхэн бүртгээд байна вэ?

Өнөөдөр жишээ болгож бизнесээ тэлэхээр 11 сая.ам долларын хөрөнгө оруулалт татаад буй ShotTracker компанийг сонирхоё.

Сонирхож буй шалтгаан уг бизнес загварыг Монголдоо хэрэгжүүлэх хүсэлдээ хөтлөгдөн яваа бөгөөд 2021 ондоо багтаад сагсан бөмбөг + хөлбөмбөгийн хувилбарыг нэвтрүүлэх төлөвлөгөөтэй ажиллаж байгаад оршино.

Б.Мөнхбаатар (Core Scores Agency)

Эдний онцлог нь мэдрэгч (sensor) төхөөрмжийн тусламжтайгаар өндөр нарийвчлалтай статистикаа баяжуулан дүн шинжилгээ хийж, түүнийгээ хамтрагч баг, хөгжөөн дэмжигч болон шууд дамжуулалтын сувгуудад нийлүүлдэг.

ShotTracker-ын талаар товчхон:

  • Байгуулагдсан он – 2013
  • Төв байр Кансас
  • Бизнесийн өсөлт 20 сая ам.доллар давсан
  • Дэвид Стэрн, Мэжик Жонсон нар хөрөнгө оруулж байсан

ShotTracker 3 төхөөрөмжтэй: Эдгээр нь заалны таазанд байрлуулах талбайн мэдрэгч, бөмбөгт байршуулсан мэдрэгч болон тоглогчдод байршуулах байршил дамжуулагч. Эдгээр багажуудаар талбайн зураглал гаргаж, түүн дээр ShotTracker бүртгэлийн системээр статистик хөтөлнө. Цуглуулсан датанаас 70 гаруй төрлийн үзүүлэлт тооцож, шууд хэрэглэчид рүү дамжуулдаг.

Сонирхолтой технологи. Тэд 11 сая ам.доллараар яг юу хийхээр төлөвлөсөн бэ?

Мэдээж тэд бизнесээ хурдацтай өсгөнө. Өнгөрсөн улиралд амжилттай ажилласны үр дүнд коллежийн Дивишн 1-ийн 60 гаруй баг эдний системийг ашиглаад эхэлсэн.

Сонирхолтой нь юу гээч?

Багуудтай хамтарч, бизнесээ өсгөх нь тэдний төлөвлөгөөний нэг хэсэг. Тэгвэл түүнээс өөр цоо шинэ боломж?

ShotTracker ашигласан багууд тоглолтын явц, үр дүнг шуурхай дамжуулах боломжтой болсоноор үзэгч, хөгжөөн дэмигчиддээ тоглолтыг шал өөр өнцгөөс үзэх боломж олгохыг хүсэх болжээ.

Яаж хийх вэ?

ShotTracker-ын шинэхэн хөрөнгө оруулагчдын нэг Evertz Microsystems компани нь телевизийн дэд бүтэц нийлүүлдэг гэдгийг мэдвэл энэ тийм ч хүндрэлтэй асуулт биш санагдана.

“Бид манай мэдрэгч төхөөрөмжүүдийг дагах чадвартай камер удирдах систем бүтээж чадна. Тэгэхээр бид ямар нэг зураглаач шаардахгүйгээр сагсан бөмбөгийн тоглолтыг дамжуулж чадна гэсэн үг.”

ShotTracker гүйцэтгэх захирал: Билл Мозэс

Үнэхээр энэ хэрэгжээд шууд дамжуулалтууд мэдрэгч төхөөрөмжтэй хоршоод эхэлбэл юу гэсэн үг вэ?

Ахиад л шинэ түвшинд хүрэх нь.

Ингэж чадвал зөвхөн үйл ажиллагааны зардал (зураглаач, техник ажилтан г.м) хэмнээд зогсохгүй үүний цаана өнөөх ФАНТАЗИ, ТААВАРТ тоглоомын зах зээл энэ шийдлийг зүгээр өнгөрөөхгүй нь лавтай.

Зургийг: ShotTracker-аас

Хьюстон Астрос, Тампа Бэй Рэйс, Сиэтл Сихокс, Голден Стэйт Варриорс гэхчлэн мэргэжлийн багууд сүүлийн 10 гаран жилд өөрсдийн дүн шинжилгээний бааз суурьтай болох технологийн давуу тал олж авах зорилгоор хөрөнгө зардал гаргасаар байна. Өшөө ч багуудад энэ хэрэгцээ адилхан тулгарч байгаа.

Мартаж болохгүй нь:

Цахим хэрэглээнд шилжсэн шинэ үе дата, тоон мэдээлэл ашиглаж сурсан төдийгүй тааварт/бооцоот төрлийн идэвхитэй тоглогчдын эрин үе ирчихсэн байна.

Эх сурвалж: HuddleUp, ShotTracker

Фантази: KOO.MN – 5-р долоо хоног

“Коо.mn” фантази лигийн анхдугаар улирлын тавдугаар долоо хоногийн статистик үзүүлэлтээр тэргүүлэгчид:

  • FG% (довтолгоо гүйцэтгэл хувь) – “55.8%” Khishgee’s Rad Team
  • FT% (чөлөөт шидэлт гүйцэтгэл хувь) – “85.9%” Мөнхболд’s Team
  • 3PTS (амжилттай холын зайн шидэлтийн тоо) – “68” Bat-Enkhjin’s team
  • PTS (нийт авсан оноо) – “673” Team Dice
  • REB (самбараас бөмбөг авсан тоо) – “248” Team Dice
  • AST (оновчтой дамжуулалтын тоо) – “131” Royal’s team
  • STL (бөмбөг тасалсан тоо) – “46” Team Dice, Bat-Enkhjin’s team
  • BLK (хаалт хийсэн тоо) – “32” Sosa LA
  • TO (бөмбөг алдсан тоо хамгийн бага) – “26” Batsvh’s team
  • TO (бөмбөг алдсан тоо хамгийн олон) – “76” Team Dice, Delgermurun’s team

Тавдугаар долоо хоног маш ширүүн өрсөлдөөн дунд өнгөрч тэргүүлэгчдийн байрлалд хэд хэдэн өөрчлөлт орлоо. Энэ долоо хоногийн шилдэг менежер “Team Dice” байж өрсөлдөгчөө 7-2 харьцаатай буулган авснаар тэргүүн эгнээнд бичигдээд эхэллээ.

Өнгөрсөн долоо хоногийн онцлох тоглогчид:

  • Жөел Эмбийд: Өнгөрсөн долоо хоногт 3 тоглолтод оролцож 37.7 оноо, 11.7 самбар, 61.1% довтолгооны гүйцэтгэл, 1 хаалт, 1.3 бөмбөг таслалт дунджилсан байна.
  • Трей Янг- Өнгөрсөн долоо хоногт 2 тоглолтод оролцсон Янг 40.5 оноо, 4 самбар, 7.5 оновчтой дамжуулалт, 52.1% довтолж, 5.5 алсын зайн шидэлт амжилттай болгож, 1 бөмбөг таслалт дунджилсан байна.
  • Кайри Өрвин: Өнгөрсөн долоо хоногт 3 тоглолтод оролцсон Өрвин 34.3 оноо, 3 самбар, 5 оновчтой дамжуулалт, 56.5% довтолж, 3.3 алсын зайн шидэлт амжилттай болгож, 1.7 хаалт дунджилсан байна.

Чөлөөт агентын зах зээлд эрэлттэй байгаа 3 тоглогч:

  • Гаррисон Маттьюс: Багийн дийлэнх тоглогчид NBA-с гаргасан протоколыг зөрчсөн энэ үед Вашингтан Визардс багийн тоглогчдыг ашиглахад алдах зүйлгүй.
  • Якоб Поелтл: Самбараас бөмбөг авалт, хаалт хэрэгтэй бол түүнийг хогноос авах хамгийн зөв сонголт. Түүнийг фантази менежерүүдийн 22% эзэмшиж байна.
  • Тайрис Максей: Минут олдвол өөрийнхөө чадамжийг нотолж чадсан Максейг багтаа авахад алдах зүйлгүй болов уу. Түүнийг нийт фантази менежерүүдийн 13% эзэмшиж байна.

ЛИГИЙН ТОХИРГООНД ОРСОН ӨӨРЧЛӨЛТ

2021.01.17

Фантази лигийн эхний дөрвөн долоо хоног маргаашийн явагдах тоглолтуудаар өндөрлөж байгаатай холбогдуулан менежерүүдээс ирсэн хүсэлтийн дагуу дараах өөрчлөлтүүдийг оруулж байна.

  1. Цар тахлын нөхцөл байдлын улмаас хогноос (чөлөөт зах зээлээс) тоглогч авах, багтаа өөрчлөлт оруулах шаардлага энгийн үеэс нэмэгдсэн учир улирал эхлэхэд шилжилт хөдөлгөөний тоог “50” хэмээн тогтсон байсан бол өөрчлөлт оруулж “60” шилжилт хөдөлгөөн хийх боломжтой болов.
  2. Дөрөв дэхь долоо хоногийн дундуур лигт Injury list нэмэгдсэнээр гэмтэлтэй тоглогчоо нөөцөнд суулгаж орны тоглогч авах боломжтой болов.
  3. Менежерүүдийн асууж байсан 7 хоногийн тоглолтуудыг монголын цагаар Даваа гарагаас Ням гарагт шилжүүлэх боломжгүй бөгөөд цагийн зөрүүгийн улмаас манай цагаар шинэ долоо хоног Мягмар гарагт эхэлж Даваа гарагт өндөрлөнө.
  4. Waiver time- 2 days болгон тохиргоо хийсэн байгаа.

Дээрх өөрчлөлтүүд тавдугаар 7 хоногоос хэрэгжиж эхэлсэн.

Бэлтгэсэн: Комиссар Буянтогтох

NBA: Аль баг хамгийн баян бэ?

Мэргэжлийн багууд яаж ашиг, орлого олж, үнэ цэнээ өсгөөд байдаг юм бол?, энэ асуултын хариултыг олохоор олон ч судалгаа болон үнэлгээний байгууллагууд тус тусын аргачлал боловсруулж, тооцоолол гаргадаг.

Форбэс сэтгүүлийн нэгэн адил спортын бизнесийг мэдээллэдэг Спортико-оос гаргасан НБА багуудын үнэлгээтэй танилцая.

Ердөө хоёр өдрийн өмнө гарсан шинэхэн жагсаалтыг аль баг тэргүүлсэн гэж бодож байна?

Онцлох:

  • Сүүлийн 20 орчим тасралтгүй өсөлттэй байсан НБА нэг багийн дундаж үнэлгээ, өнгөрсөн жил анх удаа 2 хувиар буурч 2.4 тэрбум ам.доллар болжээ.
  • НБА-гээс гурван багийн үнэлгээ 5 тэрбум ам.долларыг давсан нь Нью Йорк Никс, Голдэн Стэйт Варриорс, Лон Анжелес Лэйкерс багууд бөгөөд НФЛ (Америк хөлбөмбөгийн лиг)-ийн хамгийн өндөр үнэлгээтэй баг Даллас Ковбойз (5.5 тэрбум ам.доллар) -ийн үнэлгээтэй дөхжээ.
  • Нью Йорк Никс баг 2000 оноос хойш амжилт тааруу байгаа хэдий ч 5.42 тэрбум ам.долларын үнэлгээгээр бүх багийг тэргүүлжээ.

НБА 30 багийн нийт үнэлгээ эзэмшигчдийн хувьцаа, орон нутгийн спортын сүлжээ болон багтай холбоотой нэмэлт эзэмшлүүдийг багтаагаад 70 гаруй тэмбум ам.доллар болдог байна.

Энэ нь Монгол улсын ДНБ-ээс 7 дахин их мөнгөн дүн гэж болох юм.

Жагсаалтын эхний 10 баг. Бүтэн жагсаалт үзэх

Хамгийн өндөр үнэлгээтэй 10 баг

Жагсаалтын сүүлд Нью Орлеанс Хорнэтс баг 1.35 тэрбум ам.долларын үнэлгээгээр жагсжээ. Тэдний өмнөх жилийн орлого 2020 онд 213 сая ам.доллар болсон нь өмнөх улирлаас 7 хувь буурсан юм байна.

Хамгийн сонирхолтой баг нь?

Тэгвэл хамгийн үнэтэй багууд дундаас Голден Стэйт Варриорс баг сонирхол татав.

2010 онд тэрбумтан Ларри Эллисоноос илүү үнэ саналж болгосон Жое Лакоб, Петер Губер нарын нэгдэл Голден Варриорс багийн төлөө 450 сая ам.доллар гаргаж тухайн үеийн НБА-д дээд амжилтыг тогтоожээ. Спортын ертөнцийнхөн энэхүү наймааны эцэст толгойгоо маажсаар хоцорцгоож байж.

Харин өнөөдөр Варриорс багийн үнэлгээ 5.2 тэрбум ам.долларт хүрч 10 жилийн дотор 10 дахин өссөн байна.

2009 онд Стэф (Стэфэн Карри)-ийг нэгдүгээр тойргын долоо дахь сонголтоор драфталж авсанаас хойш есөн улирал дарааллан плейоффт шалгарч, таван удаа дарааллан аваргын шатанд шалгарч үүнээс гурван удаад нь аварга цолыг хүртээд байна.

Энэ өнцгөөс харвал багийн ялалт амжилт чухал хүчин зүйл байсан.

Варриорс талбайдаа хийж буй тоглолтын үзэгчдийн тоогоор лигт дээгүүрт бичигдэх болж тэр хэрээр багийн үйл ажиллагааны орлого хурдацтай өссөр өнгөрсөн 430 сая ам.долларын орлогоор бүх багийг тэргүүлжээ.

  • 2010 орлого: 139 сая ам.доллар
  • 2019 орлого: 430 сая ам.доллар
Эх сурвалж: Statista

Ийнхүү санхүүгийн хувьд бий болсон өсөлт нь тэдэнд бизнесээ тэлэх боломж олгосон байна.

2019 онд тэд Сан Франциско хотын төвд 18,064 хүний суудалтай, 500 сая ам.долларын өртөг бүхий Чэйс Центрийг байгуулж, Оакландын Оракл Аренагаасаа нүүж ирсэн.

Варриорс баг мужийнхаа гол өрсөлдөгч Лос Анжелес Лэйкерсээс ялгаатай нь тэд үл хөдлөх хөрөнгөө Uber г.м бизнесийн түншүүддээ эзэмшүүлж, хамтран удирдах зэргээр ажилладаг.

Спортикогийн тооцооллоор Варроирс багийн үл хөдлөх хөрөнгийн үнэлгээ 1.5 тэрбум ам.доллар ба НБА-н бусад багуудаас 50 хувь шахам өндөр юм.

Голден Стэйт Варриорс багийн ордон Chase Center

Варриорс багийн санхүүгийн амжилт гайхалтай байгаа ч НБА-ийн хувьд бүх багуудаа гайхалтай бэхжүүлж чадсаныг дурдах ёстой.

Тухайлбал: 2010 онд нэг багийн дундаж үнэлгээ 365 сая ам.доллар байсан бол 2010 онд 2.4 тэрбум ам.доллар болж даруй зургаа дахин буюу 557% өссөн байна.

Харин Варриорсын хувьд энэ өсөлт 1000% давсан нь гайхалтай гэхээс аргагүй юм.

Тэгэхээр Варриорс лигийн амжилттай бодлогын өсөлтийг өөрсдийн ухаалаг хөрөнгө оруулалт, багийн амжилттай хослуулсанаар ингэж гайхалтай өсөлт үзүүлжээ. Түүгээр зогсохгүй дараагийн арванд 430 сая ам.доллар байгаа багийн үйл ажиллагааны орлогыг 800 сая ам.долларт хүргэхээр төлөвлөснийг харвал тэдний санхүүгийн бэхжилт, багийн сэргэлт дөнгөж эхлэх нь мэт.

Сонирхолтой

Энэхүү жагсаалт гарсны дараахан Шамат Палихапитя (Сошл Капитал хөрөнгө оруулалтын сангийн үүсгэн байгуулагч, Варриорс багийн жижиг хувьцаа эзэмшигч, ТУЗ гишүүн) 2012 онд Варриорс багийн 10 хувийн хувьцааг 25 сая ам.доллараар авч байсан тухайгаа хуваалцжээ. Одоо түүний 10 хувийн үнэлгээ 520 сая ам.доллар.

2011 онд Фэйсбүүк компаниас гараад өөрийн хувийн хөрөнгө оруулалтын сан эрхлэх Сошл Капитал компаниа байгуулаад байж. Хаана, юунд, хэдийн хөрөнгө оруулалт хийх вэ? гэсэн асуултын хариуг хайж явахдаа нэг танилтайгаа хамт зориг шулуудан Дэвид Стэрн дээр очиж байжээ.

Гэхдээ тэд Сакраменто Кингс багийг авч Сиэтл эсвэл Лас Вегас руу нүүлгэх том мөрөөдөлтэй байж. Тэдний яриад сонсож суусан Дэвид Стэрн тэднээс хэр их мөнгө гаргах боломжтой асуухад тэд 300 сая ам.доллар гэсэн байна. Харин Стэрн хариуд нь битгий давар гэжээ 😁

Анхны догь санаа, том хүсэл нь бүтэлгүйтсэн буцаад иртэл Фил Хэллмут гэх найз нь гунигт түүхийг нь хуваалцаад, санаа зоволтгүй ээ найзаа хамтдаа миний танил Жоетой НБА тоглолт үзэнгээ пицца идье гэж.

Удалгүй тэд Жое-ийнд хамт тоглолт үзэж байтал Жоё би Голден Стэйт Варриорс багийг худалдаж авна гэхэд Шамат итгээгүй аж.

Жоё чамд 10 хувийг 25 сая ам.доллараар санал болгоё чи бидэнтэй хамт шалгаруултанд оролц гэснээр түүх эхэлжээ. Жоё бол дээр дурдсан Варриорс багийг худалдаж авсан хоёрын нэг юм.

Эх сурвалж: Huddle Up

NBA: Брүүклиний их гурвал

Брүүклинд нэгдсэн гурвалын сүүлийн 10 жилд гаргасан хувь тоглогчийн амжилтуудыг багцлаад харвал тэн хагаст нь лигийг дундаж оноо авалтаар тэргүүлсэн, аваргын бөгж-3, финалын тоглолтын үнэ цэнэтэй тоглогчийн цом-2, улирлын шилдэг тоглогчийн цом-1, олимпийн наадмын аваргын алтан медаль-4, дэлхийн аваргын алтан медаль-3, дэлхийн аваргын шилдэг тоглогчийн цом-2, лигийн шилдэг залуу тоглогчийн цом-2, лигийн шилдэг зургаа дахь тоглогчийн цом-1 гээд зогсохгүй нь дээ…

Гурван тоглогчийн гол амжилтуудыг багцлан бэлтгэсэнийг үзэж сонирхоно уу!

Брүүклинд нэгдсэн гурван тоглогчийн НБА дэх хувийн амжилтууд

NCAA: Галзуу гуравдугаар сар

Тун удахгүй болох Гуравдугаар сарын галзуурал, Америкийн нэгдсэн улсын коллежийн сагсан бөмбөгийн оргил тэмцээн БАБЛ-тай төстэй арга барилаар зохиогдож магадгүй.

Тэртээ 1939 онд Сагсан бөмбөгийн дасгалжуулагчдын холбооноос анх санаачлан эхлүүлж байсан энэ агуу түүхтэй тэмцээн (Монголын Оюутны сагсан бөмбөгийн лиг гэж болох) ихэнхдээ Гуравдугаар сард зохиогддог байсныг спортын зах зээлийн бизнес тоглогчид овжин ашиглаж АНУ-даа хамгийн их үзэгчтэй лигүүдийн эгнээнд аваачиж, жил бүр хүсэн хүлээдэг гайхалтай нэрийн хуудас тэмцээн болгож чаджээ. Жил бүр олон сая Америкчууд төдийгүй дэлхийн өнцөг булан бүрт байдаг оюутны сагсан бөмбөгийн сонирхогчид, АНУ-д сургууль төгсөгчид шимтэн үзэхийн зэрэгцээ, аваргын хүснэгтийг бөглөх таавар, фантази, бэт зэргээр сонирхолтой болгож оролцдог.

Нэдүгээр дивизионы 68 багийн тулаан гуравдугаар сард эхэлж дөрөвдүгээр сард аваргаа тодруулдаг.

March Madness (Гуравдугаар сарын галзуурал)

Гол сэдэвтээ ороё:

Өнгөрсөн 2020.03.11-ний өдөр Юта Жазз багийн төвийн тоглогч Рүди Гобэр коронавирусын халдвартай нь тогтоогдсоны дараа НБА улирлын үлдсэн тоглолтуудыг тусгаарлсан орчинд үргэлжлүүлэхээр шийдвэрлэсэн. Ингэснээр Флорида муж, Орландо хотын Уолт Диснейн Ертөнцийг бабл болгон зохион байгуулж, үлдсэн 3 сарыг үргэлжлүүлж, амжилттай дуусгасан.

Харин НСАА бүтэн улирлаа цуцалсан.

Үр дүнд нь?

НБА бабл дахь 3 сарын зохион байгуулалтанд 180 сая ам.долларын зардал гаргасан. Мөн АНУ-БНХАУ маргаанаас улбаатай Хятадын CCTV шууд дамжуулалтаа зогсоож байв. Гэхдээ амжилттай, тэд үлэмж хэмжээний орлого алдахаас сэргийлж, телевизийн шууд дамжуулалт, ивээн тэтгэгч, зар суталчилгаа зэргээс нийтдээ 1.5 тэрбум ам.долларын орлого олсон. (Эх сурвалж).

НСАА жилийн орлогынхоо 80% орчмыг энэхүү тэмцээнтэй холбоотойгоор олдог. Шууд дамжуулалт эрх, тасалбарын орлого, нэрийн бүтээгдэхүүн, концесс гэх мэт.

Жишээ нь: CBS телевизэд өгсөн шууд дамжуулалтын эрх 2000 онд 200 сая ам.доллар байсан бол өдгөө 800 сая ам.доллар болж 4 дахин өссөн байх жишээтэй.

Эх сурвалж: НСАА тайлан (жилийн дүнг дунджилсан)

Тэгвэл энэ удаад Гуравдугаар сар?

НСАА-гаас өнгөрсөн долоо хоногт мэдээллэхдээ: Энэ жилийн тэмцээн бүхэлдээ бабл-тай төстэй зохион байгуулалтаар Индианаполис мужид хэд хэдэн талбайд зохиогдох боломжтой гэжээ.

Эхний байдлаар зургаан талбайг сонгоод байгаа нь:

Индианаполис

  • Bankers Life Fieldhouse (Индиана Пэйсерс)
  • Lucas Oil Stadium (Индианаполис Колтс)
  • Hinkle Fieldhouse (Батлэр Их Сургууль)
  • Indiana Farmers Coliseum (Индиана болон Пүрдү Их Сургууль)

Блүүмингтон

  • Simon Skjodt Assembly Hall (Индиана Их Сургууль)

Вэст Лафаеттэ

  • Mackey Arena (Пүрдү Их Сургууль)

АНУ цагаар 2021.03.14-ний Ням гаригт эхлэх, “Шилдэг 4”-ийн тоглолтууд 2021.04.03,05 өдрүүдэд гэсэн урьдчилсан хуваарь гарчээ.

Зургийг: https://twitter.com/marchmadness

Сонирхолтой тоон мэдээллүүд үзэх үү?

  • НСАА Гуравдугаар сарын галзуурлын үеэр Үндэсний телевизээр цацагдаж буй зар сурталчилгааны дүн 1.3 тэрбум ам.доллар хүрч байгаа НБА, МЛБ (Мэргэжлийн бэйсболын лиг)-ээс өндөр байна.
Эх сурвалж: Kantar Media, Statista
  • Насанд хүрсэн америкчуудын таван хүн тутмын нэг нь бооцоот тааварт оролцдог гэвэл 10 тэрбум ам.долларын зах зээл
  • Ивээн тэтгэгч байгууллагуудаас 185 сая ам.доллар олдог
  • Зөвхөн тэмцээний өдрүүдэд тасалбар, шар айраг, тааварт тоглоом гэх мэтээр эдийн засагт 12 тэрбум ам.долларын хөдөлгөөн үүсдэг

Өөр үү?

Жил бүрийн тэмцээнийг хүлээн авч зохион байгуулсан хотууд үлэмж ашигтай байж чаддаг.

Хэдийгээр цар тахалтай, хөгжөөн дэмжигчид байх эсэхийг мэдэхгүй ч Индианаполис хот чамлахааргүй үр шимийг хүртэх нь ойлгомжтой байна.

НСАА-гийн энэхүү мэдэгдэлийн талаар:

“Хот, мужийн хэмжээнд бид гартаа буу атгачихлаа л гэсэн үг. Бидний сонссон гайхалтай мэдээнүүдийн нэг.”

Патрик Тамм (Индианагийн Ресторан, Үйлчилгээний эрхлэгчдийн холбооны тэргүүн)

Тус хотод 3000 гаруй зочид буудлын өрөө байдаг бөгөөд хөгжөөн дэмжигчид ихээр ирэх эсэхийг хэлж мэдэхгүй ч хөдөлгөөн нэмэгдсэнээр 100 сая ам.долларын эргэлт бий болно гэж төсөөлжээ.

Эцэст нь:

Дээрх бүхэн зөвхөн төсөөлөл, төлөвлөгөө байгаа гэдгийг санах хэрэгтэй. Мэдээж Индианаполис хот хожих нь гарцаагүй.

Гагцхүү хөл хөдөлгөөн ямар байх нь ковид19-ын тархаж, түүний эсрэг авч буй арга хэмжээ ямар байхаас шууд хамааралтай.

Галзуу гуравдугаар сараар уулзацгаая.

Эх сурвалж: Huddle Up

NBA: Эхний долоо хоногийн тухай

НБА-гийн түүхэн 75 дахь улирал цар тахлын улмаас Арванхоёрдугаар сарын 23-ны өдөр хөшгөө нээсэн. 72 тоглолттой онцгой улирлын эхний долоо хоногт KOO.MN-ээс гаргасан 2021 оны чансааны дагуу онцлох багууд ямар амжилттайгаар улирлаа эхлүүлсэнийг сонирхоцгооё.

Лос Анжелес Лэйкерс
Лос Анжелес Лэйкерс

Аваргаа хамгаалагч Лос Анжелес Лэйкерс баг нээлтийн үдэш түүхэн дэхь хамгийн үнэтэй бүтээгдсэн аваргын бөгжөө гардан авсан ч хотын нөгөө баг болох Клипперстэй хийсэн улирлын эхний тоглолтдоо 109-116 харьцаатай ялагдал хүлээв.
Энэ өдрөөс хойш 2 тоглолт хийсэн Аваргууд 132.5 оноо дунджилж Даллас Маверикс болон Миннесота Тимбервулвес багуудыг илүүрхэн буулгаж авав.
Өнгөрсөн улирлын бүрэлдэхүүндээ хэд хэдэн өөрчлөлт хийсэн тэдний хувьд улирлын эхэн хэсэгт нэгэнтэйгээ ойлголцох, багийн уур амьсгал зэрэгт ямар нэгэн асуудалгүй байгаа нь сайн хэрэг.
Тэд энэ долоо хоногт Портленд Трейл Блэйзерс багийг талбайдаа хүлээн аваад Сан Антонио Спөрс багийн талбайд 2 тоглолт хийх хувиартай байна.

Брүклин Нэтс
Брүклин Нэтс

Өнгөрсөн улирлын хувьд багийн лидерүүдийн эзгүйд плей-оффт шалгарч чадсан ч хүссэн амжилтаа үзүүлж чадаагүй Брүүклин Нетс энэ улирал хүчтэй дайралт хийхээ улирлын нээлтийн тоглолтод баталсан.
Харамсалтай нь улирал дөнгөж эхлэж байхад чухал тоглогчдын нэг Спенсер Динвиддиегийн улирал дууссан байна.
Чухал тоглогчоо гэмтэлд алдсан Нетс багийн лидерүүдээ дараалсан тоглолтуудад оролцуулалгүй амрааж эхэлсэн. Мемфис Гриззлесыг хүлээн авч нэмэлт цагт 116-111 харьцаатай ялагдал хүлээсэн бол дараагийн тоглолт талбайдаа Атланта Хокс багийг хүлээн авах юм.

Лос Анжелес Клипперс
Лос Анжелес Клипперс

Өнгөрсөн улирал хүссэн амжилтаа үзүүлж чадаагүй Лос Анжелес хотын нөгөө баг энэ намрын солилцооны цонхоор тун сонирхолтой шилжилтүүдийг хийсэн.
Улирлыг маш сайн эхлүүлж, гэмтэл бэртлийн асуудлаас бүрэн ангижирсан Пол Жорж бүх одод түвшний тоглолтоо гаргаж нээлтийн 2 тоглолтдоо төвөггүй ялалт байгуулаад байсан хэдий ч багийн лидер Кавай Леонардын эзгүйд талбайдаа Даллас Маверикс багт 51 онооны зөрүүтэй маш том ялагдлыг хүлээв.
Леонард хэзээ талбайд гарах мэдээлэл хараахан гараагүй байгаа бөгөөд энэ долоо хоногт гэртээ Миннесота Тимбервулвес, Портланд Трейл Блэйзерс багийг хүлээн аваад Юта Жазз багийн талбайд зочлох хувиартай.
Тэдний энэ улирлын зорилго зөвхөн аваргын төлөө дайралт гэдгийг бүгд мэдэж байгаа, харин хүссэн үр дүнгээ авч чадах болов уу?

Милоуки Бакс
Милоуки Бакс

Өнгөрсөн улирал олон аналистуудын таамгийг эвдэж дэндүү эрт улирлаа дуусгасан Милоуки Бакс баг энэ намрын солилцооны цонхоор боломжийн ажиллаж чадсан.
Тэдэнд дутагдаж байсан плей-мэйкер, клач хамгаалагчийг авчран багийн лидер 2 удаагийн Үнэ Цэнэтэй тоглогч Яннис Антетокоунмпотой урт хугацаатай гэрээ байгуулсан.
Улирлын нээлтийн 3 тоглолтдоо 2 ялагдал хүлээсэн Бакс улирлын турш ийм тааруу тоглолт үзүүлэхгүй нь ойлгомжтой.
Тэд энэ долоо хоногт Майами Хит багийн талбайд 2 удаа тоглох зочилох бөгөөд өнгөрсөн улирлынхаа ялагдлын хариуг авах ч боломж бий.

Майами Хит
Майами Хит

Өнгөрсөн улирлын Дорнод бүсийн аварга Майами Хит багийн хувьд энэ намрын солилцоо наймааны цонхоор хэд хэдэн түлхүүр тоглогчдоо алдсан хэдий ч тэднийг нөхөх тоглогчдоо авчирж чадсан.
Улирлын нээлтийн тоглолтоо Орландод ялагдал хүлээсэн ч дараагийн тоглолтоо талбайдаа хийн залуухан бүрэлдэхүүнтэй Нью Орлеанс Пеликанс багийн эсрэг ялалт байгуулсан тэдний хувьд энэ долоо хоногт Дорнод бүсийн хүчтэй өрсөлдөгч Милоукки Бакс багийг талбайдаа хүлээн авах юм.

Бостон Сэлтикс
Бостон Сэлтикс

Энэ улирлын Дорнод бүсийн аваргын төлөө хүчтэй өрсөлдөөн үзүүлэх багийн нэгт зүй ёсоор багтах Бостон Селтиксийн улирал Милоукки Баксыг буулгаж авсанаар эхэлсэн ч дараалсан тоглолтуудад ялагдал хүлээгээд байгаа билээ.
Тэд энэ долоо хоногт 2 тоглолт хийх хувиартай бөгөөд Индиана Пэйсерс багийн талбайд зочилон тоглоод Мемфис Гриззлесийг талбайдаа хүлээн авах хувиартай.

Юта Жазз
Юта Жазз

Төвийн байрлалын тоглогчтой өмнө нь үзэглэж байгаагүй том гэрээг хийсэн Юта Жазз баг энэ улирал Өрнөдийн шилдгүүдийн нэгээр зүй ёсоор нэрлэгдэж байна.
Эхний долоо хоногт 50% амжилт үзүүлсэн Юта Жазз энэ долоо хоногийн эхний тоглолтоо Оклахома хотод зочилон 110-109 харьцаатай ялалт байгуулсан байна.
Тэдний дараагийн учраа гэртээ бүсийн хүчирхэг багуудын нэгт орох Финикс Сансыг хүлээж авах юм.

Дэнвэр Наггэтс
Дэнвэр Наггэтс

Өнгөрсөн улирал таамаг эвдэж бүсийн финал хүртэл аялсан Денвер Наггетс багийн шинэ улирал хүссэнээр нь эхэлсэнгүй.
Нээлтийн 2 тоглолтдоо ялагдал хүлээсэн тэдний гол асуудлыг ачаалалтай холбон тайлбарлаж болох юм.
Ямартай ч улирлыг хүссэнээрээ эхлүүлж чадаагүй Наггетсаас ийм муу тоглолт олон харахгүй нь ойлгомжтой.
Тэд энэ долоо хоногт Хьюстон Рокетс, Финикс Санс багуудыг талбайдаа хүлээн авч Сакраменто Кингсийн талбайд зочилох хувиартай.

Эхний долоо хоног (KOO.MN – Season 1)

Фантази лигийн эхний долоо хоног Жэймс Хардэний торгууль, ковидын улмаас цуцлагдсан тоглолт зэргийн нөлөөгөөр 2 тоглолт эрс зөрүүтэй болсоныг тооцвол ойролцоо үр дүнтэй байлаа.

KOO.MN – Season 1 – 1-р долоо хоног
KOO.MN – Фантази лигийн хүснэгт

Мэдээллийг бэлтгэсэн: Буяка

Сагсан бөмбөг: Оюутны лиг 20(20 онд)

Монголын сагсанбөмбөгийн Оюутны лиг 20 дахь удаагаа хамгийн хамгийн гэсэн тодотгол дүүрэн, онцлох олон олон дуулиантай болж өндөрлөлөө.

Эхлэл

2019.10.22 – Техникийн зөвлөгөөн

2019.10.24 – Оюутны лигийн 2019-2020 оны улирлын нээлт

2019.11.01 – Даатгалгүй тамирчин талбайд гардаггүй болов

2019.11.01 – Даатгалгүй тамирчин талбайд гардаггүй болов
2019.11.09-10 – Баг, тамирчдын зураг авалт “Media Day”

2019.12.29 – Улирлын завсарлагын өмнөх сүүлийн тоглолтууд болов

Уйтгартай үе…

2020 он гарсанаас хойш бүтэн 8 сар Оюутны лигийн сагсанбөмбөг төдийгүй дэлхий нийтийн спортын амьдрал зогсов. Тэр ч бүү хэл хүн төрөлхтний баяр цэнгэлийн манлай зуны олимпийн наадам хүртэл хойшлогдов.

Гэхдээ бас хөгжилтэй. 2020.04.01-ндээд амжсан байдаг.

Гэхдээ лигийн зохион байгуулагчдын зүгээс зүгээр суусангүй.

Төгсгөл. Баяртай мөч.

Лиг 6 сар завсарласны эцэст эргэн ирсээн. Зарим онцлох мөчүүдийг эргэн санавал…

92 оноо Ө.Индра
34 минут тоглохдоо 70 довтолгооноос 41 довтолгоо амжилттай болгосон 92 оноо авсан гүйцээ… 20 дахь удаагийн оюутны лиг….

Этүгэн Ирвэсүүд багийн тоглогч Ө.Индра 92 оноо авав

Гадаад тоглогч
20 дахь удаагийн Оюутны лиг Хамгийн анхны ИМПОРТ оюутан тамирчин И E Чань(MIU)….

И Е Чань

Багуудын сошл сувгийн идвэхжүүлэлтийн уралдаанууд

Аваргын тоглолттой өдрийг эргэн дурсахуй. Дуугай тогло ( влог)

Хорь дахь удаагийн оюутны лиг товчоор

Энэ жилийн тэмцээнд нийт 41 сургуулийн 52 баг, хоёр дивизионд хурд хүч авхаалж самбаагаа сорьсон.

#2-р дивизион

ЭрэгтэйЭмэгтэй
1.МУИС ШОНХОРУУД – II1.ЭТҮГЭН ИРВЭСҮҮД
2.ЭЗШУИС2.МУИС ШОНХОРУУД
3.ЭТҮГЭН ИРВЭСҮҮД – II3.ОТИС ШИЛҮҮСНҮҮД
2-р дивизионы шагналт байрын багууд

ШИГШЭЭ ТОГЛОЛТУУД:
Эрэгтэй
МУИС ШОНХОРУУД – II – ЭЗШУИС
Эмэгтэй
МУИС ШОНХОРУУД – ЭТҮГЭН ИРВЭСҮҮД

III байрын тоглолтууд:
Эрэгтэй
ЭТҮГЭН ИРВЭСҮҮД – ШУТИС АКУЛУУД
Эмэгтэй
ОТИС ШИЛҮҮСНҮҮД – ЭМШУИС АРСЛАНГУУД

#1-р дивизион

Эрэгтэй
1.МУИС ШОНХОРУУД
2.ОТИС ШИЛҮҮСНҮҮД
3.ШУТИС АКУЛУУД
20 дахь удаагийн лигийн шагналт байрын багууд

Хагас шигшээ тоглолт:
ШУТИС АКУЛУУД – МУИС ШОНХОРУУД – I
ЭТҮГЭН ИРВЭСҮҮД – ОТИС ШИЛҮҮСНҮҮД

Шигшээ тоглолт:
ОТИС ШИЛҮҮСНҮҮД – МУИС ШОНХОРУУД – I

Улирлын ТЭРГҮҮН ТОГЛОГЧ:

Эрэгтэй – П.Мөнх-Оргил (ШУТИС АКУЛУУД) – Innovstyle, Pedro
Эмэгтэй – Ө.Индра (ЭТҮГЭН ИРВЭСҮҮД) – К-50 Store

Билгүүнзул агсны нэрэмжит ОЮУНЛАГ ОЮУТАН ТАМИРЧИН:

Ч. Намуунаа(ОТИС)
М. Дөлгөөн (СЭЗИС)

Дөлгөөн агсны нэрэмжит ФИНАЛЫН ҮНЭ ЦЭНТЭЙ ТОГЛОГЧ:

Ц.Санчир (МУИС ШОНХОРУУД)
Ө.Индра (ЭТҮГЭН ИРВЭСҮҮД)

ШИЛДЭГ ДАСГАЛЖУУЛАГЧ: (Innovstyle , Pedro Mongolia)

O.Баярцогт (ЭТҮГЭН ИРВЭСҮҮД)
Л.Эрдэнэпүрэв (МУИС ШОНХОРУУД)

Бэлгэдлийн шигшээ:

Эрэгтэй:
Мөнхбаатар (ЭТҮГЭН ИРВЭСҮҮД) – Холбон тологч
Цогтсайхан (ОТИС ШИЛҮҮСНҮҮД) – Хамгаалагч
Энх-Амгалан (ХИС ХАРЦАГУУД) – Довтлогч
Ганбаатар (ОТИС ШИЛҮҮСНҮҮД) – Дотвлогч
Пэрэнлэйжамц (МУИС ШОНХОРУУД) – Төвийн тоглогч

Эмэгтэй:
Минжин (МУИС ШОНХОРУУД) – Холбон тоглогч
Магсаржав (МОН-АЛТИУС ) – Хамгаалагч
Цацрал (ЭТҮГЭН ИРВЭСҮҮД) – Довтлогч
Ичинхорлоо (ШУТИС АКУЛУУД) – Довтлогч
Ариунцэцэг (ОТИС ШИЛҮҮСНҮҮД) – Төвийн тоглогч

Хагас шигшээ болон шигшээ тоглолтын шууд дамжуулалт:

Монгол HD телевиз

Ерөнхий ивээн тэтгэгч: Pepsi Mongolia
Дэмжин ажиллагч: Esan.mn; Naadam Center Mongolia; memeChat ; Монре Даатгал – Monre Insurance

Зураг, мэдээллийн эх сурвалж: MCBA

Фантази: KOO.MN – Нэгдүгээр улирал

KOO.MN Их спортын ертөнцийн мэдээ мэдээллийн вэбсайтаас сагсан бөмбөг тэр дундаа НБА шимтэн үзэгчдийн дунд нээлттэй фантази лиг зохиож байна.

Анхны лигээ бид сагсан бөмбөг сонирхогчдын нэгдэл Basketpedia группийн залуустай хамтран “Яахоо фантази” систем дээр зохиож буй. Боломжит дээд хязгаарын дагуу 20 багийн менежертэй лиг өнгөрсөн амралтын өдрөөр драфтын сонголтоор багаа бүрдүүлээд, эхлэхэд бэлэн боллоо.

Оролцогчдын 90% нь өмнө тоглож байсан туршлагатай. НБА түүхэнд амжилтаараа манлайлдаг 2 хүчтэй өрсөлдөгч багийн дэмжигчид 50%-ийг бүрдүүлжээ.

KOO.MN Season 1 – Драфт

Лигийн драфтын сугалааны дараалал 2020.12.20-ны 18:30 цагт бэлэн болсон.

СугалааБагийн нэр
#1CEJiM
#2BALU’s Team
#3Irmuun’s Team
#4Batsvh’s Unreal Team
#5Baldan’s Team
#6Royal’s Team
#7Enkh Orgil’s Team
#8Мөнхболд’s Team
#9Sosa LA
#10Captain Erka’s Team
#11The chosen one
#12DefTeam
#13Gabi’s Team
#14Buyka’s DT
#15Bayar’s Team
#16Tatar
#17Bat-Enkhjin ♫-♩-♪
#18Tumku’s Team
#19Khishgee’s Rad Team
#20Delgermurun’s Team
Яахоо авто тооцоолуураар гаргасан дараалал

19:00 цагаас драфтын сонголт эхэлсэн.
22:05 хамгийн сүүлийн сонголт хийгдэж драфтын ажиллагаа дуусав.

Бүрэлдхүүн:

  • CEJiM

Хамгийн сонирхолтой, хачирхалтай, оновчтой драфт аль баг хийснийг сонжоорой. 😂

Цаашид бид 7 хоног тутмын шилдэг амжилт үзүүлсэн багаа тодруулж, тойм мэдээлэл бэлтгэн хүргэж байх болно.

Индонезид тивийн АШТ болно

Цар тахлын улмаас хойшлогдоод байсан сагсан бөмбөгийн Ази тивийн АШТ-ийг ирэх жил Индонезийн Жакарта хотод зохион байгуулахаар боллоо.

Ази болон Номхон далайн орнуудын шилдэг 16 баг өрсөлдөх 30 дахь удаагийн тивийн АШТ ирэх оны наймдугаар сарын 16-28-нд Индонезийн Жакартад болно.

Олон үндэстний өлгий болсон Индонез улсад сагсан бөмбөг эрчтэй хөгжиж буй. Тус улс анх 1993 онд тивийнхээ аваргыг зохион байгуулсан бол ирэх жил хоёр дахиа хүлээн авах гэнэ.

Нийт 267 сая хүн амтай, тэдгээр нь 700 гаруй хэлээр ярьдаг онцлогтой индонезчууд 2023 оны сагсан бөмбөгийн ДАШТ-ийг Япон болон Филиппин улстай хамтран зохион байгуулахаар төлөвлөж байгаа билээ.

Одоогоор Ази тивийн АШТ-д оролцох эрхээ Ливан, Бахрейн улс авсан бол ийнхүү Индонез зохион байгуулагч орноор тодорч, гурав дахь улс нь боллоо.

Манай улсын сагсан бөмбөгийн шигшээ багийн хувьд энэ удаагийн Ази тивийн АШТ-ий урьдчилсан шатанд өрсөлдөөгүй юм.

NBA: Үлэмж Яаннисын аварга гэрээ

Хоёр удаагийн улирлын ҮНЭ ЦЭНТЭЙ ТОГЛОГЧ, хойд америкийн үндэсний сагсанбөмбөгийн лигийг өдгөө ноёлж буй, Милоуки Бакс багийн од Яаннис Антэтокумбо багтайгаа таван жилийн 228 сая ам.долларын гэрээ үзэглэлээ.

  • 2020/21: 27.5 сая ам.доллар
  • 2021/22: 39.3 сая ам.доллар
  • 2022/23: 42.5 сая ам.доллар
  • 2023/24: 45.6 сая ам.доллар
  • 2024/25: 48.8 сая ам.доллар
  • 2025/26: 51.9 сая ам.доллар

Яаннис уг гэрээнийхээ талаар:

“Энэ бол миний гэр, миний хот.

Дараагийн таван жилд Милоуки Бакс багийн нэг хэсэг байх болсондоо талархаж байна. Эдгээр он жилүүдийг хамтдаа үргэлжлүүлцгээе.”

Яаннис Антэтокумбо

Энэхүү таван жилийн өндөр гэрээ Милоуки Бакс багт санхүүгийн дарамт учруулах болов уу?

ЯАННИС ба МИЛОУКИ БАКС

Яаннис 2013 оны драфтын 15 дугаар сонголтоор Милоуки Бакс багт сонгогдож байв. Тэгвэл түүний өмнө сонгогдсон тоглогчид хэн хэн байв, одоо ямар байгаа вэ?

  • 1-р сонголт – Антони Бэннэт
  • 5-р сонголт – Коди Зэллэр
  • 6-р сонголт – Нэрлэнс Ноел
  • 9-р сонголт – Трэй Бурк
  • 11-р сонголт – Майкл Картер Виллиамс
  • 14-р сонголт – Шабаз Мухамэд
2013 оны НБА драфтын 1-р тойргийн 15 дахь сонголт

Тухайн үед НБА мэргэжилтнүүд түүнийг авъяаслаг боловч сайн хөгжөөгүй, бэлтгэгдээгүй хэмээн дутуу үнэлж байв. Харин Милоуки баг эрсдэл гэх үү, зориг гэх үү гаргаж түүнийг сонгож авсан.

Түүгээр ч зогсохгүй түүнийг өдий хүртэлж өсөн дэвшиж, сайжрах боломж олгож, тэвчээртэй хүлээсэн.

ЯАННИС НӨЛӨӨ

Багийн амжилт: 2013 оноос өмнөх 7 улирлын 2-т плейоффт шалгарч байсан Милоуки түүнийг ирснээс хойш 7 улирлын 5-д нь плэйоффт шалгарч, бүсийн шигшээд хүртэл амжилт гаргасан байна.

Үзэгчдийн тоо: Багийн амжилт, багийн нэр хүндийн нөлөөгөөр талбайдаа хийх тоглолтыг үзэх үзэгчдийн тоо дунджаар (30% өссөн):

  • 2013 – 13,487
  • 2019 – 17,602

Орлого: 2019 онд Милоуки багийн 36 тоглолт телевизийн шууд дамжуулалттай байсан нь багийн түүхэнд анхны тохиолдол бөгөөд телевизээс олох орлогын өсөлт 32% болсон.

Плейоффын нэг тоглолтын үр нөлөөгөөр хотын эдийн засагт 3 сая ам.долларын эргэлт бий болж, 2500 орчим зочид буудлын өрөөний захиалга түүнийг дагасан 700 орчим ажлын түр байр үүсдэг гэсэн баримжаа тооцоог гаргажээ.

2019 онд нэрийн бүтээгдэхүүний борлуулалт хамгийн өндөр байсан 10 баг:

  1. Лос Анжелес Лэйкерс
  2. Бостон Сэлтикс
  3. Филаделфи 76
  4. Торонто Рэпторс
  5. Молиуки Бакс
  6. Голден Стэйт Варриорс
  7. Хьюстон Рокетс
  8. Чикаго Булз
  9. Майами Хит
  10. Брүклин Нэтс

Хагас сая гаран хүн амтай энэ жижиг хотын багийн хувьд энэ нь тун сайн үзүүлэлт юм.

Багийн үнэлгээ: Милоуки Баксын жилийн нийт орлогын өсөлтийг доорх зургаас харна уу.

Милоуки Бакс багийн нийт орлого

Ийнхүү эдийн засгийн үлэмж үр нөлөөний үр дүнд 2013 онд 312 сая ам.доллар байсан багийн үнэлгээ 2019 он гэхэд 1.6 тэрбум ам.доллар болсон байна.

Хэдийгээр НБА комиссар Адам Силвэр болон түүний багийн зөв стратегийн үр нөлөөгөөр багуудын үнэлгээ дунджаар 3 дахин өссөн гэж болохуйц байгаа ч Милоуки Баксын хувьд 4-5 дахин өссөн байгааг Яаннистай холбохгүй байх боломжтой гэж үү?

NBA: Фантази хэрхэн тоглох вэ?

Сагсан бөмбөг сонирхогчдод НБА-гийн улирлыг илүү амттай болгохоор олон сонирхолтой зүйл хэрэгжүүлдэг. Хамгийн түгээмэл бөгөөд эрэлт ихтэй байдаг нь ФАНТАЗИ ЛИГ юм.

Оролцогчид багийн эзний дүрд орж, өөрсдийн босгосон багаар улирлын турш өрсөлдөнө. Фантазиг олон форматаар тоглож болох бөгөөд энэ удаад “Yahoo Fantasy” -д “Head to Head” загвар дээр хэрхэн тоглох тухай заавар хүргэе.

Фантази лиг нь НБА-гийн улирал эхлэхээс дуусах хүртэлх хугацаанд үргэлжилдэг. Лигт хамгийн багадаа дөрвөн баг, хамгийн ихдээ 20 баг өрсөлдөнө. Улирлын өмнө багууд шинэ тоглогчид сонготой ижил аргаар фантазид оролцогчид одоо идэвхтэй байгаа тоглогчдын дундаас сонголт хийж, өөрийн багийг бүрдүүлнэ.

Фантази лиг нээх талбар

Зөвхөн драфт хийгээд өрсөлдөх биш улирлын турш тухайн багийн эзэн/менежер байж бусад багийн менежерүүдтэй солилцоо хийх, тоглогчдыг багаас хасах, чөлөөт агентаас тоглогч нэмэх зэрэг үйлдэл хийх боломжтой. Үүнээс гадна хоорондоо ямар зарчмаар өрсөлдөх, улирлыг хэдэн долоо хоног үргэлжлүүлэх зэргийг тухайн лигийг үүсгэсэн коммисар бүх тохиргоог тааруулдаг юм.

Хамгийн түгээмэл тохиргоо бол баг тус бүр 13 тоглогчтой байх бөгөөд тухайн өдөрт 10 тоглогч гараанд гарч, гурван тоглогчийг сэлгээнд суулгаснаар тоглогчдын тухайн өдрийн үзүүлэлтээр өрсөлдөгч багтайгаа тулна.

Гарааны тоглогчдын тохиргоо хэсэг

Тоглогчдыг өдөр болгон байршуулах, хэн ямар үзүүлэлт үзүүлснийг нягталж багтаа авч үлдэх эсвэл хасах шийдвэрээ менежер гаргах учир мэдээ мэдээлэлтэй өдөр бүр танилцсанаар таны сагсан бөмбөгийн мэдлэг ч тэр хэрээр тэлэх юм.

Заримдаа үед багаа байрлуулж амжихгүй бол долоо хоногоор нь багаа байрлуулах боломжтой билээ.

Ихэнхи лигүүд “Head-to-Head” системээр долоо хоног бүр өөр өөр өрсөлдөгчидтэй халз тоглох байдлаар явдаг. Тоглогчдын амжилтыг тооцдог үндсэн 9 үзүүлэлт:

  • FG% – довтолгооны хувь
  • FT% – чөлөөт шидэлтийн хувь
  • 3PTM – амжилттай болгосон холын зайн шидэлтийн тоо
  • Points – авсан оноо
  • Rebounds – самбараас бөмбөг авсан тоо
  • Assists – оновчтой дамжуулалтын тоо
  • Steals – бөмбөг таслалтын тоо
  • Blocks – бөмбөг хаалтын тоо
  • TO – бөмбөг алдалтын тоо

Долоо хоног бүр цуглуулсан хожил, хожигдол, тэмцээний үзүүлэлтээр эрэмбэлэгдэж Фантази улирлын төгсгөлд Плей-Оффын байранд үлдсэн багууд цааш шалгарч илүү сонирхолтой өрсөлдөөнийг үзүүлж эхэлнэ.

Анхлан сонирхогчдод зориулсан “Public” буюу нээлттэй, хүссэн хүн нь оролцох боломжтой лигүүд мөн байх бөгөөд олон улсын тоглогчидтой тоглон туршлага судлах боломжтой.

Мөн Фантази Драфт эхлэхийн өмнө лигийн гишүүд хэдээр сонгохоо шийдсэнээр “Mock” буюу хуурмаг драфт хийж нарийн судалгаа хийсний дүнд сонголтоо хийх учиртай.

Хэдийгээр солилцоо хийж, чөлөөт агентаас тоглогч нэмэх боломжтой ч бооцоотой лигүүдийн хувьд солилцоо хийх нь бага байдаг. Менежерүүдийн хувьд бүх зүйлд бэлтгэлтэй байх хэрэгтэй буюу тухайн тоглогч долоо хоногт хэдэн тоглолт хийхийг, өрсөлдөгч багууд нь ямар түвшний багууд байгааг, мөн бэртэл гэмтэл, дасгалжуулагчийн өгөх минутыг ч тооцоолох хэрэгтэй.

Мэдээж хэрэг маш их цаг хугацааг энэ зүйлд зориулж байгаа учир өөрийн орж буй лигүүдэд бусад менежерүүдтэйгээ тохирон тодорхой хэмжээний бооцоотой тоглох, мөн долоо хоног бүр өрсөлдөгч менежертэйгээ бооцоо тавин тоглох ч боломжтой. Гэхдээ БООЦОО-т тоглоом Монгол улсад хуулийн хязгаарлалттай байдаг гэдгийг хатуу анхаарах хэрэгтэй.

Хэн сайн баг бүрдүүлнэ, хэний багийн тоглогч тухайн долоо хоногт цойлно мэдээж энэ бүхэн менежерийн ур ухаан, аз ёндоо хосолж ялагч болох нь ойлгомжтой.

Энэ улирлын хувьд 2020 оны Арванхоёрдугаар сарын 22-нд улирал албан ёсоор эхэлж Фантази лигийн хувьд эхний долоо хоног эхлэх болно.

Улирал эхлэхээс өмнө найз нөхөд, ажлын хамт олон, сонирхол нэгт залуустайгаа нэгэн сонирхолтой улирлыг өнгөрүүлээрэй.

Танд Фантази спортоор хүч үзэхэд “yahoo”-д бүртгэлтэй хаяг байхад л хангалттай!

Дуртай спортоо илүү сонирхолтойгоор шимтэж үзэцгээе!

Basketpedia – фантази лиг
KOO.MN – вэбсайтын нэрэмжит фантази лиг

Бэлтгэсэн: Basketpedia

NBA: Багуудын 2021 оны чансаа (таамаг)

Өнөөдөр улирлын өмнөх тоглолтууд эхэллээ. Маш богино хугацааны улирлын амралттай байсан ч багууд шинэ тоглогч сонголт, солилцоо наймааг идэвхитэй хийлээ. Бидний таамгаар Баблын аваргууд хүчтэй хэвээр гэж байна.

НБА-гийн 30 багийн чансааг гаргасан хэд хэдэн эх сурвалжийг үндэслэн бид өөрсдийн тамгаа дэвшүүлж харьцуулалт хийлээ.

Хамгийн сонирхолтой, хачирхалтай нь CBS Sports-оос гаргасан таамаг бол Bleacher Report бүр долоодугаар сард ойрын гурван жилд ямар багууд хүчирхэг байх вэ? гэдэгт хариулт болгож жагсаасан байв.

Онцлох багууд:

1. Лос Анжелес Лэйкерс

Гэрэл зургийг: NBA.COM

2019/20 амжилт: 52-19, Өрнөд бүс, 1

Ирсэн тоглогчид: Монтрэл Харрэл, Марк Газол, Дэнис Шройдер, Вэсли Матьюс

Явсан тоглогчид: Ражон Рондо, Дэнни Грийн, Дуайт Ховард, Эври Брэдли, Жавал Магги

2020/21 төлөв: Сэлгээний бүрэлдхүүнээ залуу, хурдтай болгож чадсан. Лэброн Жэймс, Антони Дэвис нартай гэрээ сунгаж үлдээснээс багийн цөм, дотоод уур амьсгал, ойлголцлоо хадгалж чадсан нь өмнөх улирлын амжилтаа давтах боломжтойг харуулж байгаа.

2. Милоуки Бакс

Гэрэл зургийг: NBA.COM

2019/20 амжилт: 56-17, Дорнод бүс, 1

Ирсэн тоглогчид: Жрү Холидэй, Бобби Портис, ДЖ Аугистин, Торэй Крэйг, Ник Стаускас

Явсан тоглогчид: Эрик Блэдсой, Жорж Хилл, Вэсли Матьюс, Робин Лопез

2020/21 төлөв: Сүүлийн хоёр улирлыг гайхалтай үзүүлэлттэй дуусгаж байгаа ч хараахан аваргын шатруу очоогүй байгаа. Мөн Яаннистай тохирч буй урт хугацааны супер макс гэрээ эцэслэгдээгүй байгаа ч хурдтай холбон тоглогчоор хүчээ сэлбэсэн тэд удаад хүчтэй хэвээр байна.

3. Лос Анжелес Клипперс

Гэрэл зургийг: NBA.COM

2019/20 амжилт: 49-23, Өрнөд бүс, 2

Ирсэн тоглогчид: Серж Ибака, Лүк Кеннард, Тайрон Лю (дасгалжуулагч)

Явсан тоглогчид: Монтрэл Харрэл, Жамикал Грийн, Ландри Шанет, Док Риверс (дасгалжуулагч)

2020/21 төлөв: Үндсэн дасгалжуулагч Док Риверсийг Тайрон Люгээр солиж, хуучин багийн хамтрагч Кавай, Ибака нарыг нийлүүлж, Пол Жоржтой өндөр дүнтэй гэрээ байгуулсанаар тэд мөн л өрнөд бүсийн хүчтэй баг хэвээр үлдээд байна.

Та цааш нь үргэлжүүлэх үү? таныхаар ямар байх бол?