ОХУ-д бидэнд ойр байж болох спортын нэгэн төрөл бий. Уг спортыг регбол гэх ба сагсан бөмбөг, рагби, бөхийн барилдааны “нийлбэр” аж. Спорт зааланд сагсан бөмбөг тоглож буйтай төстэй ч бөмбөгөө залалгүй рагбитай адил булаацалдаж, хамгаалж, цагаригт довтолдог. Өөрөөр хэлбэл бөмбөгний төлөөх тэмцэл, хамгаалалтын үед рагби, бөхийн барилдааны элементүүд харагдаж байгаа нь сагсан бөмбөгөөс ялгарч байгаа юм.

Оросын регболын холбооны тэргүүн Иван Андреев “ЗХУ-ын үед бөхчүүд үүнийг сагсан бөмбөгийн барилдаан” хэмээн нэрлэж бэлтгэл сургуулилтдаа ашигладаг байсан ч цаг хугацааны явцад энэ нь спорт болж хөгжсөн юм. Сагсан бөмбөгөөс ялгаатай нь регболд их олон зүйл зөвшөөрсөн байдаг. Гэхдээ өрсөлдөгчөө газраас өргөх, гараа холбож барих болдоггүй, зөвхөн нуруугаараа түлхэх зэрэг дүрэмтэй” гэсэн бол тус спортоор хичээллэж байсан нэгэн ахмад тамирчин “Үүнийг зөвхөн бөхчүүд л тэвчинэ. Сагсан бөмбөгчид энд удаан тэсэхгүй. Тэдэнд залалт, шидэлт, тактик чухал бол энд барилдах, гүйх л хамгийн чухал нь” гэж ярьсан байна. Регболыг хэзээ, хэрхэн үүссэнийг тодорхойлох боломжгүй гэдэг ч ЗХУ-ын үед тулааны урлагаар хичээллэгсэд бэлтгэл сургуулилалтдаа өргөнөөр ашигладаг байжээ. Хөндлөнгийн хүний нүдээр харахад тус спортын төрөл нь жаахан эмх замбараагүй мэт боловч тамирчдын талбай дээр юу хийж болох, болохгүйг тодорхой заасан дүрмийг чанд баримталсны үндсэн дээр бэртэл гэмтлээс сэргийлдэг байна. Дүрмийг нь 1990-ээд оны сүүлээр боловсруулж 2003 онд спорт хэмээн хүлээн зөвшөөрчээ. 

М.Ану

Майкл Рапаппорт мөн Кевин Дюрантад гомдол гаргасандаа харамсаж байгаагаа илэрхийлэв.

Баасан гарагийн орой жүжигчин эр олон нийтийн сүлжээгээр цацагдсан  дуулианы талаар өөрийн инстаграмдаа тайлбар болгон бичлэг оруулжээ. Тэрхүү үйл явдлаас болж лигийн зүгээс Кевин Дюрантад 50,000 долларын торгууль ноогдуулжээ. Уг шийтгэл М. Рапаппортод “харамсалтай” санагдаж байгаа бөгөөд энэ арай л хэтэрчихлээ гэж мэдэгджээ. (Болсон явдлын талаар)

“Дюрант бид хоёрын хооронд болсон зүйл хяналтаас гарчихсан” гэж тэр хэлжээ. “Би түүнтэй шүтэн бишрэгчийн хувиар уулзаж байлаа. Тэр надад таалагдсан. Гэхдээ бид найзуудын харилцаатай байгаагүй. Би найзуудыгаа элэглэдэггүй, тэдэнд “Хөөе, би чамтай уулзахаараа нүүр рүү чинь нулимнаа” гэж хэлдэггүй. Энэ бол зүгээр нэг хувцас солих өрөөний яриа биш шүү дээ. Намайг олон удаа заналхийлж бүр хэдэн сар үргэлжилсэн. Энэ мягмар гараг харин миний хувьд “час өдөр” байсан бололтой” гэж жүжигчи залуу бичжээ. Тэрбээр үргэлжлүүлэн уг болсон үйл явдал урьдаас бодож төлөвлөсөн зүйл биш “зүгээр л дотроос” гараад ирчихсэн гэж тодотгосон юм.

“Гэхдээ юу гээч, суралц бас амьдар… Би өөрийгөө барьж иймэрхүү үр дагавартай зүйлийг зохицуулах ёстой байсан юм, тийм учраас бидэнд урагшаа явахаас өөр арга байхгүй” гэж М.Рапапорт цахим хуудсандаа бичжээ.

М.Ану

“Брүүклин Нетс” багийн довтлогч Кевин Дюрант инстаграм хуудсанд жүжигчин Майкл Рапапорт руу илгээсэн ёс бус мессежийн талаар тус багийн ахлах дасгалжуулагч Стив Нэш сэтгүүлчдэд пүрэв гарагт тайлбар өглөө.

“Олон нийтийн сүлжээнд тавигдсан Кевин Дюрант Майкл Рапапорттой хийсэн хараалын үгтэй, мисожинист утга агуулагдсан сэтгэгдлийн талаар багийн удирдлагуудтай ярилцсан” гэж Стив Нэш ярьжээ. Гэхдээ энэ талаар дэлгэрэнгүй мэдээлэл өгөхөөс Стив Нэш татгалзсан юм.

М.Рапапорт тухайн чатыг өнгөрсөн мягмар гарагт өөрийн жиргээндээ оруулжээ.

I receive threats and disgusting messages DAILY, but never in my wildest dreams did I think @KDTrey5 would be among them. The 🐍 himself is now threatening me, bringing up my wife and wants to fight. This is supposed to be America’s sweetheart right? #ImDaRealMVP pic.twitter.com/l1VQfGMMRF

— MichaelRapaport (@MichaelRapaport) March 30, 2021

Харин Дюрант тус жиргээний талаар сэтгэгдлээ илэрхийлж, ёс бус хараалын үг ашигласандаа харамсаж буйгаа илэрхийлсэн юм.

Me and mike talk CRAZIER than this on the regular and today he’s pissed….My bad mike, damn!!

— Kevin Durant (@KDTrey5) March 30, 2021

Мөн тэрбээр өөрийн хэлсэн үгээсээ уучлалт гуйжээ.  

Kevin Durant on his social media messages that were recently made public:

"I'm sorry that people seen that language I used, that's not really what I want people to hear and see from me" pic.twitter.com/UIPRuPdH3B

— Nets Videos (@SNYNets) April 1, 2021

12 сарын 22-нд “Голден Стайт Уарриорс”-той хийсэн тоглолтын дараа Рапапорт КД-гийн “Inside the NBA”-д өгсөн ярилцлагын талаар өөрийн сэтгэгдлээ жиргэсэнээс хойш тэр хоёрын маргаан эхлэсэн юм.

https://twitter.com/SamHustis/status/1341578123196784645?ref_src=twsrc%5Etfw%7Ctwcamp%5Etweetembed%7Ctwterm%5E1341578123196784645%7Ctwgr%5E%7Ctwcon%5Es1_&ref_url=https%3A%2F%2Fbleacherreport.com%2Farticles%2F10000594-kevin-durants-homophobic-misogynistic-dms-discussed-by-nets-steve-nash-says

KD seemed deeply in his feelings with the @NBAonTNT crew after the game.
DAMNIT he’s super sensitive about everything.
Don’t do the interview

— MichaelRapaport (@MichaelRapaport) December 23, 2020

Жүжигчний өөрийн твиттертээ байрлуулсан скрийншотууд дээрээс харахад Дюрантаас Рапапорт руу илгээсэн анхны мессеж нь “U a b***h” гэсэн байжээ. Түүнээс цааш бичсэн мессежийн ихэнх нь Дюрантаас ирсэн байсан юм.

Дюрант зүүн гуяны арын шөрмөсөө гэмтээсэн тул хоёрдугаар сараас хойш талбайд гараагүй билээ. Тэрбээр гэмтэхээсээ өмнө нэг тоглолтод 29.0 оноо дунджилж, багаа тэргүүлж байсан юм.

М.Ану

Өнгөрсөн пүрэв гарагт хаагдсан солилцооны цонхоор лигийн багууд олон том өөрчлөлтүүд хийсэн бол ESPN-ий зүгээс 30 багийн шинэ чансааг гаргасан байна.

1. Юта Жазз

Улирлын амжилт 34-11

Өмнөх чансаа 2-р байр

Улирлын дунд хэсэгт найман тоглолтынхоо тавд нь хожигдоод байсан бол сүүлийн таван тоглолтод дараалан хожоод байна. Багийн лидер Донован Mитчелл 31.6 оноо дундажтай 50-аас дээш хувьтай довтолж багаа хожилд хөтөлж байна.

2. Брүүклин Нетс

Улирлын амжилт 31-15

Өмнөх чансаа 3-р байр

Жеймс Харден өөрийгөө улирлын үнэ цэнэтэй тоглогч гэж зарлаад байгаа бөгөөд багийн  хоёр бүх одод тоглогчоо байхгүй үед гаргаж байгаа тоглолт нь үүнийг бататгаж байна. Солилцооны цонх хаагдсаны дараа Ламаркус Алдрижийг чөлөөт агентаас багтаа нэгтгэсэн нь тэднийг илүү хүчирхэг болгож байна.

3. Филадельфи 76

Улирлын амжилт 32-14

Өмнөх чансаа 1-р байр

Багаа оноо, самбар зэрэг үзүүлэлтээр тэргүүлж буй Жөэл Эмбийдийг бэртэлд алдсан филичүүд солилцоогоор туршлагатай холбогч Жорж Хиллийг авчирсан. Эмбийд бэртэлтээс эргэн ирэхэд тэд Дорнод бүсдээ Брүүклинтэй өрсөлдөөн үзүүлэх баг байх нь дамжиггүй.

4. Финикс Санс

Улирлын амжилт 31-14

Өмнөх чансаа 4-р байр

Зэрлэг өрнөдийн хоёрдугаар байранд яваа тус баг зургаан өдрийн дотор дөрвөн аялан тоглолт хийсэн ч өөрсдийн байрыг хадгалан үлдсэн. ПЖ Tакер “Mилуоки Бакс” руу явсан солилцооны дүнд Сансын удирдлага овжин байж сэлгээндээ хүч нэмэрлэхээр Tоррей Грайгийг салган авсан юм.

5. Лос Анжелес Клипперс

Улиралын амжилт 31-16

Өмнөх чансаа 6-р байр

Сүүлийн таван тоглолтод учраагаа дараалан хожсон Лос Анжелесийн баг солилцооны цонх хаагдахын өмнө гурван удаагийн шилдэг зургаа дахь тоглогчийн шагналт Луи Уильямсийг хоёр удаагийн NBA-гийн аварга Ражон Рондогоор сольсон нь холбогч хайж байсан асуудлыг эцэслэсэн.

6. Mилуоки Бакс

Улирлын амжилт 29-16

Өмнөх чансаа 5-р байр

Найман тоглолтод дараалан ялалт байгуулаад байсан Буганууд лидер Яаннис Антетокумпог өвдөгний бэртэлд алдсанаар сүүлийн хоёр тоглолтдоо бүдрээд байна. Солилцооны цонхоор хийсэн хамгийн том нүүдэл нь ПЖ Tакерыг авсан билээ.

7. Денвер Наггетс

Улирлын амжилт 28-18

Өмнөх чансаа 8-р байр

Аарон Гордоныг солилцоогоор авчирсанаар Леброн Жеймс, Кавай Леонард гэх тоглогч нарыг хамгаалах боломжоо ихэсгэсэнээр аваргын төлөө дайралт хийх өндөр боломжтой болж байна.

8. Лос Анжелес Лэйкерс

Улирлын амжилт 30-17

Өмнөх чансаа 7-р байр

Улирлын дунд хэсгийг ихээхэн гарзтай өнгөрүүлж байгаа аваргууд багаасаа хасагдаад байсан Андре Драммондыг багтаа нэгтэгсэнээр аваргын цомоо хамгаалахад тус болох болов уу.

9. Портленд Tрэйл Блэйзерс 

Улирлын амжилт 28-18

Өмнөх чансаа 9-р байр

Норман Поуеллийг авснаар жижиг тавтаар тоглох боломж нь улам ихэссэн. Бэртэл гэмтлээс хол байж чадвал “Блэйзерс” эхний шатанд аль ч багийг хожих магадлалтай.

10. Даллас Mаверикс

Улиралын амжилт 23-21

Өмнөх чансаа 10-р байр

Бүх оддын тоглолтоос хойш 5-5 гэсэн үзүүлэлт үзүүлээд байгаа ба залуу од Лука Дончич болон Кристапс Порзингис нарын аль нэг нь оролцоогүй гурван тоглолтод хожигдсон байна. Залуу хослол бэртэл гэмтлээс холуур байж чадвал зэрлэг өрнөдөд цахиур хагалах баг бол Mаверикс.

11. Сан Антонио Спөрс

Улиралын амжилт 23-20

Өмнөх чансаа 12-р байр

Залуу тоглогчдоос бүрдсэн “Спөрс” Алдрижийг явуулсан ч тоглолт нь унасангүй. Деррик Уайт, Дежаунте Mуррей болон Келдон Жонссон зэрэг залуу тоглогчдын тоглолт багаа эхний 11-р байранд оруулж байна.

12. Нью Йорк Никс

Улирлын амжилт 24-22

Өмнөх чансаа 16-р байр

Ирээдүйтэй гэгдэж байсан залуу төвийн тоглогч Mитчелл Робинсонг удаан хугацааны бэртэлд алдсан ч тэд хожсоор байгаа нь багийн дасгалжуулагч Tом Tибаудогийн гавьяа. 

13. Бостон Селтикс

Улирлын амжилт 23-23

Өмнөх чансаа 14-р байр

Гордон Хейвардын солилцооны цалингийн зайгаар Эван Фурньег хямдхан нэгтгэж  авж чадсан ч гарааны төвийн тоглогч Даниел Tайсыг алдсан “Селтикс” нэг байр урагшлан орж ирсэн байна. Роберт Уилламс III Бостонгийн төвийн асуудлыг шийдэж чадах уу 

14. Атланта Хаукс

Улирлын амжилт 23-23

Өмнөх чансаа 13-р байр

Дасгалжуулагчаа халснаас хойш найман тоглолт дараалан хожоод байсан “Хоукс” Клипперсийн эсрэг цуврал нь зогссон билээ. Tэднийг ирэх долоо хоногт дөрвөн аялан тоглолт хүлээж байна.

15. Чарлотте Хорнетс

Улирлын амжилт 23-22

Өмнөх чансаа 17-р байр

Ламело Боллыг бэртэлд алдсан ч Базз Сити сүүлийн дөрвөн тоглолтынхоо гуравт ялалт байгуулаад байна. Tерри Розиер болон Mалик Mонкын сайн тоглолт Хорнетст сайнаар нөлөөлж буй.

16. Mайами Хийт

Улирлын амжилт 22-24

Өмнөх чансаа 11-р байр

12 тоглолтоос 11-д нь хожсон ч зургаан тоглолтод дараалан хожигдсон нь хэр орон гаран байгааг нь илтгэнэ. Солилцоогоор Виктор Оладипог авснаар Дорнод бүсийн аваргууд өмнөхөөсөө илүү аюул тарих болов уу.

17. Индиана Пэйсерс

Улирлын амжилт 21-23

Өмнөх чансаа 18-р байр

Сүүлийн таван тоглолтоосоо дөрөвт нь хожоод байгаа нь Пэйсерсийг нэг байр урагшлуулаад байна. Mайлес Tөрнер лигийг хаалтынхаа дундажаар тэргүүлж багийн түүхэнд 12 тоглолтод тав ба түүнээс дээш хаалт хийсэн Рой Хиббертийн амжилтыг давтсан юм.

18. Mемфис Гриззлис

Улирлын амжилт 21-22

Өмнөх чансаа 19-р байр

Удаан хүлээсний эцэст багийн хүчний довтлогч Жарен Жексон Жуниор тоглолтод оролцох боломжтой болж эхэлж байгаа энэ үед Жастис Уинслов тоглолтоо төвшин ахиулж байгаа нь сайн хэрэг.

19. Голден Стэйт Уорриорс

Улирлын амжилт 22-24

Өмнөх чансаа 15-р байр

Дайчид сүүлийн дөрвөн тоглолтод дараалан хожигдоод байгаа нь энэ улирлын хамгийн муу үзүүлэлт болж байна.

20. Нью Орлеанс Пеликанс

Улирлын амжилт 20-25

Өмнөх чансаа 21-р байр

Зайон Уильямсон замналынхаа хамгийн гайхалтай долоо хоногийг өнгөрүүлснээр дөрвөн тоглолтоос гуравт нь хожоод байна.

21. Сакраменто Кингс

Улирлын амжилт 21-25

Өмнөх чансаа 24-р байр

Де’Аарон Фоксын бүтэн талбайг туулсан дамжуулалтаар Харриссон Барнс хожлын шидэлт хийсэн нь багаа сэргээсэн үйлдэл болов.

22. Чикаго Буллс

Улирлын амжилт 19-25

Өмнөх чансаа 20-р байр

Гарааны бүрэлдэхүүндээ хэд хэдэн өөрчлөлт хийсэн ч өнгөрсөн долоо хоногт гурван ялагдал хүлээв. Гэсэн ч солилцооны цонх хаагдах үеэр маш идэвхтэй байж бүх одод тоглогч Никола Вүчевичийг авснаар тэд эхний найман байрны төлөө өрсөлдөөнд нэгдээд байна.

23. Оклохама Сити Tандер

Улирлын амжилт 19-26

Өмнөх чансаа 23-р байр

Aл Хорфордын улирлыг дуусгаж залуу тоглогч нартаа боломж олгохоор шийдсэн нь зөв сонголт байв. Хорфордын оронд гараанд гарч буй Mөсес Браун “Бостон Селтикс”-ийн 21 оноо 23 самбараас бөмбөг авалт гэсэн гайхалтай үзүүлэлт хийж багтаа бэлэг барив.

24. Tоронто Рэпторс

Улирлын амжилт 18-28

Өмнөх чансаа 22-р байр

Tоронто хотод тоглолтоо хийж чадахгүй байгаа нь тэдэнд муугаар нөлөөлж хасагдах шатанд орох найдлагаа алдаад байна. Кайл Лоуриг солилцоонд оруулах шуумууд маш ихээр гарч байсан ч эцэст нь тэд авч үлдсэн билээ.

25. Вашингтон Уизардс

Улирлын амжилт 16-28

Өмнөх чансаа 25-р байр

Залуу Ази хослолоо гараанд гаргаж хөгжүүлэх нь багийн ирээдүй байж болох юм.

26. Кливленд  Кавальерс

Улирлын амжилт 17-29

Өмнөх чансаа 26-р байр

Улирлыг тун давгүй эхлүүлээд байсан ч сүүлийн 11 тоглолтынхоо наймд нь хожигдсоноор хасагдах шатанд өрсөлдөх боломж нь буурлаа.

27. Орландо Mэйжик

Улирлын амжилт 15-31

Өмнөх чансаа 27-р байр

Багийн ирээдүйтэй залуу тоглогчид болох Mаркел Фүлц болон Жоннатан Айсаакыг хүнд бэртэлд алдсанаар энэ жилийн төлөвлөгөө бүтэлгүйтсэн. Tиймээс ч солилцооны цонхоор багийн лидерүүд болох Аарон Гордон, Никола Вүчевич болон Эван Фүрньег солилцоонд оруулж тун завгүй ажилласан.

28. Детройт Пистонс

Улирлын амжилт 12-33

Өмнөх чансаа 28-р байр

Дөрөв дараалан хожигдсоноор лигт байгаа 30-аас дээш хожигдолтой дөрвөн багийн нэг болоод байсан билээ. “Пистонс”-ын зорилго драфтын сонголтын араас явж буй гэдэг нь Блэйк Гриффинг багаас хассанаар ойлгомжтой болсон.

29. Хьюстон Рокетс

Улирлын амжилт 13-32

Өмнөх чансаа 30-р байр

20 дараалан хожигдсон хар цувралдаа цэг тавьсан Пуужингууд Виктор Оладипог солилцоогоор явуулснаар “Пистонс”-ын адил драфтын араас хөдөлж эхэлсэн. 

30. Mиннесота Tимберволвес

Улирлын амжилт 11-35

Өмнөх чансаа 29-р байр

Дэндүү залуу мөн муу бүрэлдэхүүнтэй байгаа чононуудын багийн лидерүүд болох Ди Анжело Рассел Карл Энтони Tаунс нар энэ улиралд гуравхан тоглолтод хамтдаа талбайд гарсан нь ч өнгөрсөн оны драфтын эхний сонголт Энтони Эдуардс сайн тоглолт үзүүлж байгаа нь сайн хэрэг.

NBA-гийн эргэн тойронд болж буй мэдээллийг товч хүргэе.

• Энэ оны драфтын үйл ажиллагаа долдугаар сарын 29-ны өдөр зохион байгуулагдахаар болов. Үүнээс өмнө аль баг хэдээр сонгохыг зургадугаар сарын 22-нд шийднэ. Түүнчлэн шинээр элсэх хүсэлтээ өгсөн тоглогчдын цугларалт зургадугаар сарын 21-нээс 27-ны өдрүүдэд болох аж.

• Саяхан “Орландо Мэжик” багаас хасагдаж чөлөөт агент болоод байсан Жефф Тийгийг “Милоуки Бакс” эгнээндээ нэгтгэлээ.
• Өнгөрсөн долоон хоногийн шилдгүүдээр “Сакраменто Кингс”-ийн хамгаалагч Ди’Аарон Фокс болон “Шарлотт Хорнетс” багийн хамгаалагч Терри Розиер нар тус тус шалгарчээ. Хаадын лидер Д.Фокс 36.8 оноо, 3.5 самбар, 5.5 оновчтой дамжуулж, 64 хувьтай довтолсон төдийгүй баг нь дөрвөн хожил авчээ. Харин Майкл Жорданы эзэмшлийн багийн голлох тоглогчдын нэг Т.Розьер шинэ тоглогч ЛаМело Боллын эзгүйд 24.3 оноо, 5.3 самбар, 5.5 оновчтой дамжуулалт, довтолгоогоо 47 хувьтай шидэж баг нь дөрвөн тоглолтоос гурав хожсон юм.
• Солилцоо наймааны цонх хаагдах өдөр “Оклахома Сити Тандер” багт нэгдсэн Остон Риверс багаасаа хасагдаж, чөлөөт агент болжээ.

Б.Цогтбаяр

Виржиниа мужийн Гроттоуз хотод байрлах нэгэн шийднээс бидний мэдэх Көрригийн гэр бүлийн түүх эхэлжээ. Сагсан бөмбөг гэх спортын түүхэнд хувьсгал хийсэн хүн тийм ч олон биш.

Тэгвэл 1970-аад оны хаврын нэг өдөр Уорделл Жек Көрри өөрийн ганц хүү болох Делл Көррид хичээлийн жил дуусахаас өмнө түүнийг зунын турш эгч нарых нь хүүхэлдэйнээс хол байлгахын тулд гэрлийн шон, хуванцар самбар, өөрийн гараар хийсэн төмөр цагариг зэргийг ашиглан сагсан бөмбөгийн шийд хийсэн нь хожмоо уг спортыг өөрчлөнө гэж тэрбээр мэдээгүй байх.

Энэ талаар Делл Көрри “Аав ээж хоёрыг ажилдаа явсан хойгуур эгч нар маань надад сагсны бөмбөг өгөөд гэрээс гаргана. Тэгээд л би өдөржин шийдэн дээрээ өнжинө дөө. Хэрвээ намайг тэдний хийж буй зүйлд саад болохгүй бол цонхоор өдрийн хоолыг минь өгдөг байлаа. Тэгээд аав ээжийг ирэхээс өмнө намайг гэрт оруулж, хог шороог минь цэвэрлэн уг явдлын талаар тэдэнд хэлэхгүй шүү хэмээн ам өчгийг минь авдаг байсан. Гагцхүү тэр үеэс л би шидэлтээ сайжруулж, NBA-ийн тоглогч болохыг хүсэж эхэлсэн” хэмээн дурсжээ.

Сагсан бөмбөгийг өөрчилсөн залуугийн гайхалтай түүх

“Өвөөгийн маань талбайгаас илүүтэйгээр надад авхаалж самбаа, овсгоог заасан талбай байхгүй . Хэрхэн оновчтой шидэж сурсан талаараа хэрвээ бөмбөгөө цагирагт оруулахгүй л бол бөмбөг халтар болчихно. Иймээс дагаад миний хувцас ч гэсэн халтар болох учир би шидэлтээ заавал оруулж төгс шидэлттэй болохыг хичээдэг байлаа” гэж Стеф ярьж байв.

Мөн тэрбээр “Юу ч тохиолдсон, юутай ч таарсан болгож, бүтээхийг хичээ. Энэ бол бүр багаас маань надад сууж өгсөн бодол. Орчиндоо дас, сэтгэ. Өөр өнцгөөс, өөр байрлалаас оролдоод үз, өөр хөдөлгөөн эсвэл өөр шидэлтийг хий, гол нь тэр болгоноо амжилттай болго” хэмээн хүүхэд залуучуудад уриалжээ.

Уорделл Жек Көрригийн хийсэн бөмбөг шидхэд савчаад уначихаар самбар, хайргатай шороон талбайгаас л өнөөдрийн бидний мэдэх NBA-гийн гурван удаагийн аврага, хоёр удаагийн улирлын үнэ цэнэтэй тоглогч, долоон удаагийн бүх одод, бидний ертөнцийн хамгийн гайхалтай шидэгч Стеф Көрригийн түүх эхэлжээ.

Талбайд хийж болох бүхнийг хийсэн залуу хувийн амьдрал дээр ч бүхнийг амжуулсан билээ.

2011 оны долдугаар сарын 30-ны өдөр Стеф бага наснаасаа үерхэж байсан Айеша Александратай гэрлэжээ. Энэ талаар Айеша “Тэр өдөр бид нар Стефийн дүүгийн волейболын тоглолтыг үзэх байсан юм. Стеф их ганган хувцаслаж, үсээ гоё засуулаад, үнэтэй нүдний шил зүүсэн байлаа. Тэгээд бид тэдний аав ээжийнхээр ороод гарсаны дараа тэр намайг гэнэт зогсоогоод, “Яг энд анх үнсэлцэж байснаа санаж байна уу” гэсэн. Тэгээд намайг тэврээд хайрын үгс хэлж байгаад өвдөг дээрээ сөхрөн гэрлэх санал тависан” гэж дурсжээ.

Хамгийн том өрсөлдөгч

Багадаа аавынхаа олон тоглолтыг үзэж өөрөө ч мөн адил сургуулынхаа олон тэмцээнд тоглож явсан ах Көрри хүүхэд насныхаа хамгийн өрсөлдөөнтөй тоглолтыг дүү Сетийн эсрэг хийдэг байсан тоглолтууд хэмээн яридаг. Иймдээ ч ах дүү нарын өрсөлдөөн халуухан болдог байсан нь дамжиггүй. Мөн сүүлд Сет ахынхаа талаар “Би түүнээс сайн шидэгч, тэр зүгээр л надаас олон шиддэг шүү дээ” хэмээн хошигноод амжсан билээ. Шороон талбайгаас эхэлсэн ах дүү хоёрын өрсөлдөөн NBA-гийн талбайд ч үргэлжилсээр байгаа бололтой.

Б.Цогтбаяр

АНУ-д өнгөт арьст алдартай тамирчдын дунд титэм вирусын эсрэг вакцинд үл итгэх байдал газар авч байгаад мэргэжилтнүүд санаа зовниж байна.

NBA-гийн гол дүр Лэрбон Жэймс бол нийгмийн идэвхтэй хүмүүсийн нэг. Ялангуяа өнгөт арьст иргэдийн эрх ашиг, хүний эрхийн талаар сүүлийн үед бүр ч их ярих болсон билээ. Ерөнхийлөгч асан Дональд Трампын эсрэг хөдөлгөөн өрнүүлж, хууль сахиулагчдын гарт амиа алдсан Трэйвон Мартин, Жорж Флойд, Бреонна Тэйлор болон эрх нь ямар нэг байдлаар зөрчигдсөн иргэдийн дуу хоолой нь болдог нэгэн юм.

Л.Жэймс саяхан тэрбумтан Жон Хенригийн “Фэнвэй спорт”-д хувьцаа эзэмших болсноор MLB-гийн “Бостон Редсокс” багийн эздийн нэг болсон юм. Ингэснээр “Хаан” Жэймс өнгөт арьстнуудын эсрэг үзлийг бага ч болов багасгаж чадна гэж найдаж буйгаа илэрхийлсэн.

Гэхдээ Леброн ковид 19-ын вакцины талаар ямар нэг мэдээлэл хийгээгүй юм. Энэ сарын эхээр болсон Бүх Оддын тоглолтын үеэр түүнээс вакцин хийлгэх талаар сэтгүүлчид тодруулахад “Энэ бол хувийн асуудал” хэмээн хариулахаас эрс татгалзсан удаатай.

АНУ-д хийсэн судалгаагаар хар арьстнуудын дунд ковидын вирусээр нас баралтын хувь хамгийн өндөр байгаа аж. Гуравдугаар сарын 7-ноос хойш хийсэн судалгаагаар 100 мянган хүн тутамд 178 өнгөт арьстнууд нас барсан бол цагаан арьстнуудад 124 хүн нөгөө ертөнцөд очсон гэнэ.

Түүнчлэн иргэдийн дунд хийсэн судалгаагаар ч африк-америкчууд вакцинд итгэхгүй байгааг харуулсан билээ.

Тиймээс Брихэм болон Харвардын их сургуулийн багш, доктор Абраар Каран нэр хүндтэй тамирчдыг вакцинд итгэл хүлээлгэж, бусаддаа нөлөөлөхийг ятгаж байна.

NBA-гийн домгууд болох Карим Абдул Жаббар, Билл Рассель нар вакцинд хамрагдсан боловч залуу тамирчдын зарим нь үүнд итгэхгүй байгаагаа ил тод зарласан. Тодруулбал, “Голден Стэйт Уорриорс” багийн довтлогч Андрью Уиггинс болон түүний багийн хамтрагч Кент Бэйзмор нар вакцин тариулах хүсэлгүй байгаагаа мэдэгдсэн юм.

NBA-гийн комиссар Адам Сильвер тоглогчдыг вакцинд хамрагдах эсэх нь тэдний хувийн асуудал гэдгийг тодотгоод ихэнх нь хувийн хариуцлагаа ухамсарлана гэж найдаж байгаагаа хэлсэн билээ. Одоогоор “Лос Анжелес Лэйкерс” багийн зарим гишүүд вакцин тариулсан бөгөөд “Атланта Хоукс”, “Нью Орленс Пеликанс”, “Портлэнд Трэйлблазерс”, “Майами Хит” багийн бүх тамирчид вакцинд хамрагдсан гэдгээ олон нийтэд зарласан.

NBA-гийн “Оклахома Сити Тандер” багийн төвийн тоглогч Мейерс Леонард е-спортын нэг төрөл болох “COD Warzone” тоглоомын шууд дамжуулалтын үеэр ёс зүйн алдаа гаргасан нь түүний замналыг шороотой хутгав.

“Twitch” хуудсанд 70 мянган дагагчтай М.Леонард шууд дамжуулалтын үеэр еврей угсаатан хүмүүсийг доромжилсон үг хэллэг ашигласан нь олны дургүйцлийг төрүүлжээ. Түүний ашигласан хараалын үгийг өнгөрсөн зуунд Европ болон Америк руу цагаачилсан еврейчүүдийг шоглоход ашигладаг аж.

Meyers Leonard says racial slurs while playing CoD pic.twitter.com/WHwUnbV0pR

— Main Team (@MainTeamSports) March 9, 2021

Энэхүү асуудлын дараа түүнийг лигийн зүгээс долоо хоног үйл ажиллагаанд оролцохыг хориглон 50 мянга “ногоон”-ы торгууль оногдуулж улмаар баг нь солилцоонд оруулсан билээ.

Tэрбээр энэхүү үйлдлийнхээ төлөө лигээс шийтгүүлээд зогссонгүй шууд дамжуулалтыг нь ивээн тэтгэдэг “Faze Clan” хэмээх е спортын байгууллага гэрээгээ цуцалж цаашид хамтран ажиллахгүй гэдгээ мэдэгдсэн билээ. Mөн шууд дамжуулалт хийдэг “Twitch” компаниас түүний хаягийг хаажээ.

Леонард тухайн үед энэ үгийг хэлэхдээ ямар учиртайг нь мэдээгүй гэсэн бөгөөд олон нийтээс уучлал хүссэн ч нөхцөл байдлыг зөөллөхөд дэндүү оройтсон юм.

Бусдыг арьс өнгө , угсаа гарвалиар нь ялгаварлан гадуурхах нь хувь хүний ёс зүйд байх ёсгүй асуудал гэдгийг энэ явдал бидэнд харуулж байна. Үгээр хүнийг алчхаж ч болно , амьдруулж ч болно гэдгийг харуулсан тод жишээ болов.