Tag: сагс

Сан Антонио Спэрс торгуулав

NBA-гээс “Сан Антонио Спэрс” багийг лигийн тоглогчдын “Амрах бодлого”-ийг зөрчсөн хэмээн үзэж 25,000 ам.доллароор торгожээ.
“Спэрс”-ийнхэн ДеМар ДеРозан, Патти Миллс, Якоб Поетл нарыг бямба гарагт болсон “Финикс”-ийн эсрэг тоглолтод амраасан юм.
Лигийн амраах бодлогын дагуу багууд бэртэл аваагүй эрүүл тоглогчдоо талбайд гаргахгүй бол торгууль төлөх болсон билээ.
Грегг Поповичийн удирдлага дор “Спэрс” эрүүл тоглогчоо удаан хугацаагаар амраадаг байснаас үүдэн 2017 онд лигт уг шинэ бодлого хэрэгжүүлэх гол шалтгаан болжээ.
Баасан гарагт “Торонто Рэпторс” мөн адил бодлого зөрчсөн тул 25,000 ам.доллароор торгуулсан байна. Хэдийгээр Кайл Лоури, Паскал Сиакам нарыг амраасан “Мэйжик”-ийг 113:102 харьцаатайгаар буулган авсан билээ.

    Хайр ба сагсан бөмбөг

    Та бүхэн санаж байгаа бол хэдэн жилийн өмнө нэгэн залуу найз бүсгүйтэйгээ 1-1 сагсан бөмбөг тоглож байх зуураа хөлөө гэмтээдэг. Гэмтсэн шалтгаан нь доорх бичлэгт гарах үйл явдал байсан нь олон хүнд таалагдаж, хэсэг шуугиан тарьж байсан.

    2015 он

    Түүхийг багахан судалж үзвэл сүйт бүсгүйд санал тавьж буй залуу бол “Супермэн” хочтой Алекс Жонсон. Мэргэжлийн сагсан бөмбөгч бөгөөд НБА хөгжлийн лигт хөл тавиад үзсэн, Канадын лигт тоглодог, бүх канадын гуравдугаар багт нэрлэгдэж явсан Канад залуу юм байна.

    Харин түүний гэргийг Брэй Дорсэтт Жонсон гэдэг мэргэжлийн сагсан бөмбөгч явсан одоогоор нөхрийн хамт сагсамбөгийн сургалт явуулдаг.

    Тэд анх 2011 онд бие биенээ харж байсан бөгөөд Жонсон Хойд Каролина их сургуулийн өмнөөс тоглодог, Дорсэтт ойролцоох Жонсон С.Смит сургуулийн өмнөөс тоглодог байж.

    Тэр тийм алдартай байгаагүй ч байгаа байдал нь миний анхаарлыг татаж, би түүний тоглолтыг шимтэн үзэж байсан хэмээн хуучилжээ.

    Дорсэтт

    2013 онд Дорсэтт коллежоо төгсөхөд Жонсон түүнд хамт бэлтгэл хийж, дасгалжуулж болох талаар санал тависнаар түүх эхэлжээ. Торонтод ирээд эхний долоо хоногийн бэлтгэлийн дараа Дорсэтт түүнийг үзэн ядаж байсан тухайгаа ч хуучлаад амжсан. Учир нь бэлтгэлээр шахаж, шантрааж байсан хэрэг.

    Дорсэтт АНУ-д, харин Жонсон Канадад тус тус мэргэжлийн лигт тоглоцгоосоор хоёр жил өнгөрсөний дараа Дорсэтт Франц явах болсон байна. Үүнийг дуулсан даруйдаа Жонсон боломжийг алдаж болохгүй, түүнд гэрлэх санал тавих хэрэгтэйг ойлгож, найзуудтайгаа төлөвлөснөөр дээрх бичлэгийн үйл явдал өрнөжээ.

    Үүний дараа тэд “Хайр ба Сагсан бөмбөг” киноны 15 жилийн ойд зориулав хэмээн инстаграмдаа оруулж байж.

    Учир нь энэ киноноос их урам зориг авдаг бөгөөд тэдний харилцаа зарим талаараа энэ кинотой төстэй хэмээн хуучилсан байна.

    Love and Basketball – 2000 он